Flash News

Rama në monologun e viktimës, heroit dhe të inkriminuarit

Një lëvizje drejt Krishtërimit trazon Kosovën, një vend musliman

Sekuestrohen 670 mijë litra naftë kontrabandë në Durrës, arrestohen tre persona

Berisha denoncon skandalin: Në BKH është dorëzuar denoncim për Olsi Ramën dhe grupin e Xibrakës, nuk u hetua

Berisha: Eksportet janë në agoni të plotë prej narkoeurove, shqiptarët po humbasin vende pune

E-TJERA

Olsi Rama pranoi udhëtimet me makinën e 'Xibrakës', por SPAK nuk e quan provë; pushon hetimet

Politiko 10 Janar 2025, 18:33

Olsi Rama pranoi udhëtimet me makinën e 'Xibrakës', por

Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për dosjen “Xibraka”, të lidhur me veprat penale të “Prodhimit dhe shitjes së narkotikëve”, “Trafikimit të narkotikëve”, dhe “Kryerjes së veprave penale nga grupet e strukturuara kriminale”.

Ndonëse vëllai i kryeministrit, Olsi Rama ka pranuar më herët se ka udhëtuar me makinë jashtë vendit me një prej trafikantëve të dënuar për laboratorin e kokainës në Xibrakë teksa u paraqit në SPAK,sërish Prokuroria e Posacme nuk e quan provë dhe ka pushuar hetimet për dosjen Xibraka. 

Vëllai i kryeministrit mohoi që të ketë qenë pjesë e organizatës, edhe pse  u shpreh se një prej anëtarëve të kësaj organizate e ka mik 

Njoftimi i plotë i SPAK:

Prokuroria e Posaçme kundër Korrupsionit dhe Krimit të Organizuar ka përfunduar hetimet për procedimin penal nr. 88 të vitit 2024, të regjistruar pas rifillimit të hetimeve të pezulluara të procedimit penal nr. 335/1 të vitit 2016. Ky procedim lidhej me veprat penale të “Prodhimit dhe shitjes së narkotikëve”, “Trafikimit të narkotikëve”, dhe “Kryerjes së veprave penale nga grupet e strukturuara kriminale”, të parashikuara në nenet përkatëse të Kodit Penal.
Hetimet rifilluan pas administrimit të një informacioni të dërguar nga deputeti Gazment Bardhi, i cili pretendoi përfshirjen e shtetasit, Ols Rama në veprimtari të paligjshme. Në kuadër të këtyre hetimeve, SPAK ka kryer një sërë veprimesh hetimore, përfshirë bashkëpunimin me autoritetet kompetente të Kosovës.
Nga hetimet ka rezultuar se nuk ekzistojnë prova apo fakte që të lidhin shtetasin Ols Rama me aktivitetin kriminal, për të cilin janë dënuar më parë disa individë. Gjithashtu, nuk janë identifikuar autorë të tjerë të mundshëm për veprat penale në fjalë.
Në përputhje me nenin 326 të Kodit të Procedurës Penale, më datë 23 dhjetor 2024, është vendosur pezullimi i hetimeve për procedimin penal nr. 88 të vitit 2024, pasi autorët e tjerë të veprave penale nuk janë identifikuar. Dosja i është dërguar Drejtorisë së Përgjithshme të Policisë së Shtetit për të vijuar përpjekjet për identifikimin e autorëve.

Të fundit