Flash News

Konfirmohen mbi 80 raste të prekur nga lija e majmunëve në 12 vende të botës

Temperaturat shkojnë deri në 32 gradë, si parashikohet moti në fundjavë

U përplas me ‘Audi-n’, humb jetën drejtuesi i motomjetit në Fier. Shoferi braktisi mjetin

PS ndryshoi qëndrim, Alibeaj anulon mbledhjen e grupit

Deklarata e Krichbaum, Berisha: Angazhim personal, më gjej një provë që fakton trillimin e Sorosit

E-TJERA

Omicron, Pipero: Mundësi për imunizim natyral, fundi i pandemisë do jetë në verë

Politiko 21 Janar 2022, 09:43

Omicron, Pipero: Mundësi për imunizim natyral, fundi i pandemisë

Varianti Omicron, që në hapat e parë të shfaqjes, regjistroi një fluks të madh infektimesh thuajse në të gjithë botën, përfshirë këtu edhe Shqipërinë. Ditët e fundit numri i rasteve ditore me është rritur ndjeshëm.

Mjeku infeksionist Pëllum Pipero, në një lidhje për emisionin "Dita" në A2 CNN, e ka cilësuar Omicron si një mundësi për të përfituar imunizim natyral. Duke bërë një krahasim me të njëjtën periudhë të vitit t kaluar, Pipero thotë se raporti ishtrimeve në spitale me personat e ifektuar, është më i ulët.

“Jemi në një moment kur shifrat e rasteve të infektuara janë në rritje të dukje të shpejtë, se Omicron ka transmetueshmëri të lartë, por klinikisht e lehtë. Kemi ritëm konstant shtrimesh në spital. Por të krahasojmë më një vit më parë janë 140 të shtruar, kurse një vit më para kishim 280 të shtruar. Numri i shtrimeve në raport me personat pozitivë është më i vogël. Omicron është konsideruar si një mundësi për të përfituar një imunizim natyral në mes të një skepticizmi të shtuar për vaksinim. Omicron ka 35-40 mutacione supozohet se do të japë mbrojtje të gjerë për ndonjë variant të mundshëm që mund të vijë më pas”, tha Pipero.

Duke i mëshuar vaksinimit të popullsisë, Pipero tha se Omicron mund të jetë një variant i lehtë, por nuk është e thënë që të gjithë ta kalojnë lehtë. Ai tha se varianti mund të jetë fillimi i fundit i pandemisë.

“Ne e shohim si fillimin e fundit të kësaj pandemie për të dhënë imunizim natyral të shpejtë. Por vaksinimi është zgjidhje për fundin e shpejtë të kësaj pandemie. Ne nuk presim fundin e pandemisë nga një imunitet natyral, por duke bashkuar të gjitha forcat e masat që nga vaksinimi. Ata që nuk janë vaksinuar të vaksinohen sa më shpejt. Omicron një mundësi për të përfituar imunitet natyral te skepticistët. Unë rekomandoj e inkurajoj qytetarët për mbrojtje më të sigurt që është vaksinimi. Omciron është i lehtë por jo të gjithë fatin ta kalojnë lehtë”, shtoi Pipero.

Pipero paralajmëroi se fundi i kësaj pandemie do të jetë gjysma e kësaj vere, duke theksuar se 100% e rasteve të rënda janë të pavaksinuar.

“Pothuajshe 100 % e rasteve të rënda janë të pavaksinuar. Vaksina të mbron. Koha e rikuperimit të pacientëve të infektuar me Omicron për personat e vaksinuar është 3-5 ditë për të vaksinuarit nuk do të rekomandoja fare as ribërjen e tamponit as qëndrimin në karantinim. Për të pavaksinuarit një javë. Jemi afër fundit të pandemisë do të kemi verë të qetë me raste sporadike por jo të flemë mbi dafina. Fundi i kësaj pandemie do të jetë gjysma e kësaj vere. Qytetarët të vaksinohen dhe të kujdesen duke mbajtur maskën ku duhet”, u shpreh Pipero.