Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Omonia denoncim një ditë para zgjedhjeve: Ish-kreu i komunës dhe deputeti i PS po ushtrojnë presion ndaj zgjedhësve

Politiko 3 Gusht 2024, 16:21

Omonia denoncim një ditë para zgjedhjeve: Ish-kreu i komunës dhe

Bashkimi demokratik i minoritetit grek, Omonia ka denoncuar një ditë para zgjedhjeve të pjesshme në Himarë se po kryhen tentativa për të ndikuar në procesin zgjedhor. 

Në një deklaratë, Omonia denoncon se ish kryetari i komunës Horë Vranisht, i shoqëruar nga deputeti i PS me origjinë nga zona në fjalë dhe zyrtarë të lartë institucionesh qeveritare dhe shtetërore, ushtrojnë presion, intimidojnë dhe perpiqen të joshin zgjedhës, veprime për të cilat ekzistojnë fakte dhe prova që do të vihen në dispozicion të drejtësisë.

Deklarata e plotë për shtyp:


Denoncime pafund mbërrijnë në shtabin tonë elektoral për tentativa ndikimi të procesit zgjedhor të ditës së nesërme në gjithë territorin e bashkisë dhe në veçanti në njësinë administrative Horë Vranisht, por edhe në fshatrat Qeparo dhe Borsh.

Ish kryetari i komunës Horë Vranisht, i shoqëruar nga deputeti i PS me origjinë nga zona në fjalë dhe zyrtarë të lartë institucionesh qeveritare dhe shtetërore, ushtrojnë presion, intimidojnë dhe perpiqen të joshin zgjedhës, veprime për të cilat ekzistojnë fakte dhe prova që do të vihen në dispozicion të drejtësisë.

Kur edhe pak orë na ndajnë nga nisja e procesit zgjedhor, kerkojmë nga të gjithë strukturat dhe subjektet perkatëse që të angazhohen për zgjedhje të lira dhe të ndershme ne Himarë.

Paralajmërojmë se asnjë përpjekje për tjetërsimin e procesit dhe të rezultatit zgjedhor si mosindetifikimi elektronik i zgjedhësve, perdorimi i kartave te falsifikuara të identitetit apo fotografimi i votës, nuk do të tolerohet. Çdo rast do të denoncohet dhe pergjegjësit do të vihen përpara ligjit.

Të fundit