Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Operacioni "Shpirti"/ I penduari: Kokë-lopa fikte radarët për një orë, fatura për të kaluar drogën ishte 30 mijë euro

Politiko 4 Korrik 2021, 21:43

Operacioni "Shpirti"/ I penduari: Kokë-lopa fikte radarët

Kanë dalë detaje të reja nga dosja hetimore e operacionit "Shpirti", ku ishin të përfshirë prokurorë, policë dhe dy shoqëruesit e ish-ministrit të Brendshëm Saimir Tahiri. Rrjeti trafikonte sasi të mëdha droge dhe pastronte para.

Të penduarit ishin ata që çuan nën hetim mbi 80 persona në Shqipëri, Mal të Zi, Spanjë dhe Itali. Personat që bashkëpunuan me drejtësinë janë Mariglen Shusha, Donial Drolli, Elton Hamza, Ferhat Ajdini dhe Fiqiret Seferi.

Një prej tyre ka dëshmuar se Ilirjan Duçellari që thirrej ndryshe “Lani” ishte drejtuesi i këtij rrjeti dhe personi që sigurohej që droga të kalonte e sigurt përtej kufirit. Garancia nga toka dhe deti, sipas të penduarit, kishte një “faturë” prej 30 mijë eurosh për çdo ngarkesë.

Ai ka deklaruar se Duçellari kishte garancinë e zv.Drejtorit të Policisë së Vlorës Ilirjan Balla, si dhe Drejtorit të Kufirit Festim Lelaj. Për të fikur radarët, sipas tij, paguhej15 mijë euro.

Lelaj që njihej me nofkën “kokë-lopa” fikte radarët e monitorimit në Divjakë, Seman dhe Sazan për një periudhë kohore nga 40 minuta deri në një orë.

“Nga toka, Lani kishte persona të ndryshëm, po sidoqoftë ishte armik me drejtorin, ndërsa i përket detit, drejtorisë së Kufirit, ishte impenjuar një person me emrin Festim, që unë e di se punon për policinë. Është një person i shëndoshë, me flokë të shkurtra, e di që ka një lokal në rrugën ku është lokali i Lanit, e në atë periudhë vinte me një Klas E, me ngjyrë gri, në 2005-2006.

Ky ka ardhur disa herë, ka folur në tavolinën afër për të garantuar, për të siguruar pjesën e detit, e me sa mbaj mend, nja dy herë ka ardhur bashkë me një person tjetër, që ka thënë që edhe ai ishte një që punonte në polici. Ishin moshatar. Me flokë të bardha, më duket se quhej Gjergji, nëse nuk gaboj e se ky Lani a Festim do t’i jepte 15 000 euro për të siguruar pjesën e detit, e lekët i kam parë. Moment në të cilin ia ka dorëzuar nuk e di sepse në ngjarjen e 2015 unë isha në Itali, nëse nuk gaboj ky Festimi pasi Ilirjani është spostuar si zëvendës drejtor në Dibër, më duket se edhe Festimin e kanë spostuar gjithmonë si shef i Policisë në Dibër.

Ky funksiononte në pjesën e Durrësit, të dy mjetet ishin të policisë detare, nuk vinin të kontrollonin deri në vendin ku rregullisht duhet të kontrollonin, ndërsa sepse do të kthehem prapë të lidhja me detin….ndërsa pjesa e radarit… për shembull radari është në Divjakë e në Seman nga Fieri, pastaj është tjetri në Sazan, kështu radari është është në Fier, është i Policisë së Kufirit të Vlorës, ndërsa radari në Divjakë është i drejtorisë… i policisë së Durrësit.

Unë e di që kur gomonia shkonte në Itali, nga Divjaka ky radar fikej e për rreth 40 minuta një orë, ky radar fikej e sipas muhabeteve të bëra ke Lani- edhe makina e policisë tokësore edhe ato të kufirit… sipas meje, ama policia e Kufirit ka tip makinash Land Rover, policia e kufirit është ajo që kontrollon bregun e Lani më thoshte që policia bënte…themi… vërente gjatë ngarkimit. Domethënë do të thotë që këta policë, për shembull, janë ata që rrinë zakonisht në postën e kufirit, unë nuk e di sa janë vendin që fiknin radarin, e mendoj se një person a dy rrinin aty ku ngarkohej gomonia.

Pjesa tjetër e punonjësve të policisë ishte në zonën ku ishte radari… edhe nga ana e detit edhe ana e tokës kanë marrë 30 mijë euro për punën është kapur në 2015, sepse kur është bërë sekuestrimi afër Delta Forcë asnjëri prej djemve s’i ka kërkuar lekë Lanit, sepse unë mund t’i thoja shumë mirë. Unë kam paguar vetëm lekët dhe e di që 15 000 janë paguar për tokën e 15 000 për ujin, domethënë detin e për pjesën detare, themi për ujin, ka folur me Festimin, ndërsa për pjesën tokësore, ai , Ilrijanin e kishte aty, e kishte 24 orë mbi 24 të pranishëm”, deklaron ai.