Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Opozita të mbledhë mendjen", Manjani: Përsëritja e zgjedhjve me të njëjtin ligj është një vrimë në ujë

Politiko 8 Maj 2021, 15:14

"Opozita të mbledhë mendjen", Manjani: Përsëritja

Ish-ministri i Drejtësisë, Ylli Manjani shprehet se përsëritja e zgjedhjeve me të njëjtin ligj, sipas tij të pandershëm, është vetëm një vrimë në ujë. Ky reagim vjen pas kërkesës që PD pritet të dorëzojë në KQZ ku kërkon përsëritjen e zgjedhjeve parlamentare në 9 qarqe.

Përmes një postimi në rrjetet sociale, Manjani shkruan se po të ishte Edi Rama, do i përsëriste zgjedhjet, pasi sipas tij, asgjë nuk ndrushon me këtë ligj. 

Ai shton më tej se opozita duhet të mbledhë mendjen dhe para se të kërkojë përsëritje të zgjedhjeve duhet të zgiidhë krye problemin, të vendosë në axhendën politike hartimin e rregullave që e bëjnë rezultatin zgjedhor proporcionalisht korrekt në raport me vullnetin e zgjedhësve.

Postimi i plotë:

Po të isha Edi Rama do t'i përsërisja zgjedhjet. Do ta bëja sepse asgjë nuk ndryshon, për sa kohë zgjedhjet mbahen me të njëjtin ligj TË PANDERSHËM dhe të miratuar njëanshmërisht.
Pra kërkesa për përsëritje zgjedhjesh pa zgjidhur më parë problemin që i dëmton ato, është një vrimë në ujë.
Opozita duhet të mbledhë mendjen dhe të vendosë në axhendën politike hartimin e rregullave që e bëjnë rezultatin zgjedhor PROPORCIONALISHT korrekt në raport me vullnetin e zgjedhësve.
Ky është kryeproblemi i zgjedhjeve. Jam dakord që vota shitet e blihet. Jam dakord edhe që shteti i gjithi vihet në dispozicion të pushtetit. Por hajduti më i madh i këtyre zgjedhjeve ishte dhe mbetet ligji zgjedhor monist i diktuar nga pushteti monist.
Ndaj ska asnjë kuptim të bësh më zgjedhje me këtë ligj, sepse nuk ndryshon gjë. Përkundrazi çimenton pushtetin monist, i cili mund "pastronte" çdo njollë abuzimi me zgjedhjet!!!
E drejta dhe e ndershmja e do që zgjedhjet të përsëriten por me një ligj tjetër, konsesualisht të dakordësuar.

Të fundit