Pak para përballjes së Bashës me kritikët pas zgjedhjeve, Ristani: Beteja brenda vetes është më e vështirë

Pas humbjes në zgjedhjet e 25 prillit, PD do të mbledhë sot pasdite Kryesinë dhe Këshillin Kombëtar. Fillimisht në orën 17.00 do të zhvillohet mbledhja e kryesisë me rend dite: diskutime dhe vendimmarrje sipas statutit për proceset pas situatës së krijuar me masakrën elektorale të zgjedhjeve të 25 prillit, ndërsa dy orë më vonë pritet të zhvillohet mbledhja e këshillit kombëtar.

Arben Ristani, një ndër zërat kritikë të kreut Basha pas humbjes së zgjedhjeve shkruan në një status në rrjetet sociale se beteja brenda vetes është më e vështirë, madje shton se PD i mungon edhe përvoja për këtë.

“Demokratet kaluan 8 vite te veshtira, plot sakrifica e vetëmohim.

Tani kane perpara edhe 4 vite te tjera qe ju duhet te vazhdojne betejen e tyre per nje Shqiperi me te mire, me te drejte, me demokratike.

Kaloi kaq shume kohe qe demokrateve nuk ju qesh buza nga shija e fitores.

Kryetari i tyre po i con nga humbja ne humbje. Edhe nje fitore qe regjistron ne historine e tij, s'ka njeri qe se di dhe se kujton si e mori. Me breke neper kembe.

Rama po na e mund Lulin.

Nuk mjafton qe na e mund, por edhe na e tall.

Nuk mjafton qe na e mund e na e tall, por edhe e mbron qe sa te jete ne krye te opozites, te tallet edhe me gjithe te tjeret.

Ramen e kemi kundershtar, e dime si mundet. Beteja brenda vetes eshte me e veshtira dhe na mungon edhe pervoja per kete”, shkruan Ristani.

Mbledhja e sotme shënon edhe përballjen e parë të Bashës me kritikët e tij në PD, të cilët i kanë kërkuar doprëheqjen pasi e bëjnë përgjegjës për humbjen në zgjedhje. Bëhet fjalë për Fatbardh Kadillin anëtarin e kryesisë i cili ka shpallur publikisht kandidaturën për kreun e PD, si dhe Bujar Nishanin kryetarin e Këshillit Kombëtar, i cili po ashtu insiston në largimin e Bashës dhe reformimin e partisë.