Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Pakti për presidentin, PD fiton të drejtën të propozojë ‘kandidatët humbës’

Politiko 18 Maj 2022, 18:29

Pakti për presidentin, PD fiton të drejtën të propozojë

Kryetarët e grupeve parlamentare u ulën të mërkurën në një tryezë diskutimi për procedurat e zgjedhjes së presidentit të ri.  Kryetari i grupit të Partisë Demokratike, Enkelejd Alibeaj kërkoi që opozita të kishte të drejtën ekskluzive për të propozuar kandidatë në dy raundet e ardhshme të votimit për presidentin e ri, propozim që u pranua nga kolegu i tij socialist, Taulant Balla.

“Ne propozimin na e jep Kushtetuta, me 20 firma propozohet një emër. Tre raundet e para propozimi të jetë i opozitës, pikë,” iu drejtua Alibeaj përfaqësuesve të mazhorancës. Alibeaj kërkoi që presidenti të zgjidhej pikërisht në këto raunde që të garantonte një frymë konsensuale për nga numri i votave që i duhen.

Propozimi i Alibeajt u pranua nga Balla, i cili shtoi se dy raundet e fundit do të ishin të mazhorancës.

“Deri në raundin e tretë, propozimet i keni ju. Nëse doni të ecni në mënyrë ekskluzive, atëherë ramë dakort. Pranohet dokumenti juaj deri në raundin e tretë,” tha Balla.

Partia Socialiste mund ta zgjedhë e vetme presidentin pas raundit të tretë.

Tryeza u mblodh pasi raundi i parë i votimit dështoi pa asnjë kandidaturë konkrete. Kryeministri Edi Rama bëri të ditur se mazhoranca e tij do të dilte me emër kandidati vetëm në raundin e katërt, pasi në 3 raundet e para nuk i kishte votat e mjaftueshme për të zgjedhur presidentin.

Pakti Alibeaj-Balla i arritur para kamerave nuk u mirëpritur nga grupimet e tjera të opozitës.

Deputetët e “Komisionit të rithemelimit” të PD-së e cilësuan Alibeajn pa mandat politik nga partia dhe paktin e arritur si një tallje me procesin kushtetues.

“Është tallja e radhës me procesin e presidentit,” tha Luçiano Boçi në një deklaratë për mediat duke shtuar se “askush s’mund t’ia heqë të drejtën opozitës për të pasur kandidatë në pesë raunde”.

Fatmir Mediu dhe Agron Duka, pjesëmarrës në tryezë, nuk u shfaqën entuziastë për paktin për propozimet, duke kërkuar që të gjendej një figurë konsensuale që të propozohej nga opozita.

Raundi i dytë i votimit do të mbahet të hënën, ndërsa afati për paraqitjen e kandidatëve skadon të dielën. BIRN

Të fundit