Panairi i Librit “Tirana 2023”/ Cilët janë titujt më të dashur për fëmijë dhe të rritur

Nën moton "Libri na bashkon të gjithëve",  Pallati i Kongrese  ditën e djeshme hapi dyert për panairin e 26-të të librit.

Panairi i përvitshëm i librit mbledh bashkë shtëpitë botuese nga Shqipëria, Kosova, Maqedonia e Veriut dhe Mali i Zi, shkrimtarë, poetë, përkthyes dhe lexues, ku njihen me botimet e reja, diskutojnë mbi problematikat e letërsisë bashkëkohore, përkthimit në gjuhën shqipe dhe shumë aktivitetet të tjera me të autorë dhe studiues.

"Politiko. al" pyeti qytetarët që gjeti nëpër stendat e shtëpive botuese mbi librat që kishin përzgjedhur, ku mes tyre ishin “Libri i zi”, “Dëborë bie në Tiranë”, “Fillon me ne” dhe  “Mbaron me ne”.

Me dashurinë për librin dhe dëshirën për të ndriçuar mendjet e fëmijëve të cilët me kureshtje shfletojnë librat shumë ngjyrësh, Vjollca Zalli, bashkëshortja e shkrimtarit dhe gazetarit të ndjerë, Shkëlzen Zalli nuk mungon kurrë në këtë event të rëndësishëm për kulturën shqiptare.

Duke na lexuar disa prej vargjeve të tij ajo tha me krenari për "Politiko.al", se libri më i shitur në stendën e saj është "Shkronjat në shtëpinë e fjalës", nga autori Shkëlzen Zalli.

"Është himni i abetares, nga A-Zh, fëmijët mësojnë alfabetin me anë të vjershave," tha ajo.

Ajo gjithashtu na tregoi edhe për librin me tregime" Kodramel" një libër për eposin e Krishnikëve, i cili u la në dorëshkrim nga autori Zalli dhe u botua pas vdekjes së tij.

Panairi i librit do të zgjasë deri më 19 nëntor./ Përgatiti Elva Kurti