Parashikimi i Baton Haxhiut: PD dhe LSI nuk do garojnë në koalicion, zgjedhjet i fiton Rama

Gazetari Baton Haxhiu

Gazetari Baton Haxhiu është shprehur se Partia Demokratike nuk do të hyjnë në zgjedhje në koalicion me Lëvizjen Socialiste për Integrim, me argumentin se PD është një forcë e madhe politike dhe nuk do rrezikojë situatën e vet me çfarëdo koalicioni.

Ai shprehu bindjen se kryeministri Rama më 25 prill do të marrë mandatin e tretë për të qeverisur vendin. Haxhiu tha në “As pro, as kundër” se partitë politike duhet të shqetësohen për faktin se të rinjtë shqiptarë nuk kanë dëshirë të votojnë.

"Edhe LSI nuk do të hyjë në koalicion me Partinë Demokratike. PD është një forcë e madhe politike e cila ka peshën e vet të situatës dhe nuk do rrezikojë situatën e vet me çfarëdo koalicioni.

Natyrshëm ka aleatët e vet. Ajo që unë pajtohem me kolegun e LSI, i cili tha se koalicioni i opozitës në të ardhmen do të jetë ai që do të fitojë zgjedhjet. Pajtohen në kuptimin fjalisë që tha. Ky koalicion mund të jetë vetëm i ndarë, por me një mundësi bashkimi pas zgjedhjeve. Por a është kjo e mundshme?

Politika nuk jep garanca të tilla. Nuk e di kush e ka ofertën më të mirë për koalicione në të ardhmen. Nuk ka diskutim që do të fitojë Rama dhe PS. E meriton apo jo është çështje tjetër, atë e vendos votuesi. Nga sondazhet shihet që Rama ka një përparësi të jashtëzakonshme. Shqetësimi te partitë politike duhet të jenë një referencë te gjenerata e re që nuk ka kënaqësi të dalë të votojë", tha Haxhiu.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm