E-TJERA

"Parlamenti i shkarkuar që më 25 prill", Meta: Asnjë shqetësim, ndalova shpalljen e opozitës organizatë terroriste

"Parlamenti i shkarkuar që më 25 prill", Meta: Asnjë

Për Presidenti i Republikës Ilir Meta, Kuvendit, i cili e shkarkoi më 9 Qershor me 104 vota pro, i ka mbaruar mandati që më 25 prill. Ai tha se edhe pse Kuvendi është i shkarkuar që më 25 prill shprehu gatishmërinë për të takuar iniciatorët, brenda afatit ligjor që ishte data 10 maj.

Kreu i shtetit tha se nuk ka asnjë shqetësim nga akti anti kushtetues, siç e cilësoi ai dhe tha se po pret me qetësi bashkëpunimin bashkëpunimin me mazhorancën dhe opozitën e re.

Meta tha se ky Kuvend është turpi i të gjithë atyre që e krijuan bashkë, duke nënkuptuar se në këtë përfshin dhe opozitën me djegien e mandateve. Ai tha më tej se Presidenti ndaloi në 8 qershor 2019, në prag të zgjedhjeve lokale, një gjakderdhje të programuar që do shërbente për të shpallur opozitën organizatë terroriste. 

"Duhet të jemi të kënaqur që po kalojmë nga epoka e para 25 prillit e parlamentit monist, në një epokë të pluralizmit politik parlamentar, pavarësisht se zgjedhjet ende nuk kanë përfunduar dhe duhet të jemi të duruar deri sa të përfundojnë proceset e animimit.

Përderisa ka patur kërkesa për vlerësime, për intervista, konsiderata lidhur me shfaqjen më të fundit të parlamentit monist, ju e dini që jemi përjekur të qëndrojmë larg asaj shfaqje, se ka qenë e qartë për të hequr vëmendjen nga hetimi dhe zbardhja e krimeve zgjedhor e për të spostuar vëmendjen tek fajtorë që nuk ekzistojnë.

Po ju theksoj gatishmërinë time, edhe pse Kuvendi ka qenë i shkarkuar që në 25 prill, për të takuar iniciatorët e kësaj shfaqje brenda afatit ligjor që ishte data 10 maj, dhe për të cilën i lajmërova, që e refuzuan. E kishin me diktat që Presidenti duhet të linte takimin e planifikuar prej 10 ditësh me ministren e Austrisë apo Presidentin e Sllovenisë për tiu nënshtruar tekave.

Siç e dini, pushtetin në gjithë territorin e vendit e kontrollon një parti. Nuk po ju lodh kokën as juve dhe as gjithë shqiptarëve, sepse të gjithë e dinë çfarë ka ndodhur. Nuk po japim shfaqje këtu se çfarë është deklaruar kundër Presidentit, por është një gjë tepër e qartë që gjitha shqetësimet e presidentit u verifikuan. Do ishte mirë të kishim pasur zgjedhje model, por e dimë shumë mirë të gjithë ata që duan ta dinë, se presidenti ka bërë çdo përpjekje për të parandaluar degradimin e standardit të zgjedhjeve.

Është për të ardhur keq që numri i denoncimeve zgjedhore para dhe pas procesit të zgjedhjeve është shumë herë më i lartë se në 2017.  Kjo ka ndodhur për shkak të mos hetimit të dosjeve të Dibrës e Shijakut, por edhe për shkak të sfidës që është bërë publikisht për të përsëritur tërmetin e Dibrës edhe në Vlorë, e gjithë Shqipërinë.

Nuk kam asnjë shqetësim nga akti antikushtetues i parlamentit njëpartiak. Unë pres me shumë qetësi e durim përfundimin e ankimimeve dhe të bashkëpunoj me shumicën e re, me opozitën e re, ne Parlamentin e ri, në respekt të Kushtetutës, për rivendosjen e llogaridhënies në të gjitha nivelet. Janë të gjitha mundësitë që kjo të vijojë në Kuvendin e ri.

Ky kuvend është turpi i të gjithë atyre që e krijuan bashkë. 2 vjet e ca ai kuvend një nga faqet më të errëta.  Faqen e zezë të gjithë ata që e kanë bërë atë, dhe që nxorrën prite edhe presidentin e republikës sepse e lanë pa asnjë mbrojtje institucionale republikën.

Ka shumë arsye ky Kuvend që iku që të votojë në atë mënyrë. Presidenti ndaloi në 8 qershor 2019, në prag të zgjedhjeve lokale, një gjakderdhje të programuar që do shërbente për të shpallur opozitën organizatë terroriste. Është normale që ky parlament, e pranoi sa euro kanë marrë  për të shkarkuar presidentin. Kam patur shumë arsye për të bërë këtë shkarkesë mbllefi ndaj presidentit sepse ka penguar me vendosmëri në respket të kushtetutës çdo veprim për të cënuar sovraninetin e republikës dhe trajtimin e vendit si plaçkë tregu. Kanë shumë të drejtë pasi u mësuan keq me deputetë kartonngritësa.

Të gjithë e dimë se kush e nxiti dhunën në Kavajë, drejtorët e kujt ishin ata që shkaktuan gjakderdhje në zyrën e PD. Të gjithë e dinë se kush e nxiti dhunën në Elbasan kush i  zvarriti dosjet dhe kush planifikonte ta shtrinte dhunën në të gjithë vendin. Sa i përket përpjekjeve të presidentit gjatë kësaj kohe dhe dëshirës së çelejs së negociatave. Na vjen keq që ka dalë probmeli mes maqedonisë dhe bullgarisë, por e mbani mend se kur Maqedonia ishte gatine donim zgjedhje. Atëherë vuante bullgaria prej nesh dhe tani vuajmë të gjithë bashkë. Integrim europian ska qenë në interes të Ramës.”, tha Meta.

Të fundit