Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pas 3 muajsh, KLGJ cakton nëpër gjykata 42 magjistratët e rinj

Politiko 22 Tetor 2025, 13:45

Pas 3 muajsh, KLGJ cakton nëpër gjykata 42 magjistratët e rinj

Këshilli i Lartë Gjyqësor, KLGJ miratoi të mërkurën projekt-vendimet për caktimin në detyrë të 42 magjistratëve të rinj, që përfunduan Shkollën e Magjistraturës në vitin akademik 2024-2025.

 Megjithëse emërimi i tyre si magjistratë gjyqtarë u krye më 31 korrik, caktimi në funksion u realizua afro tre muaj më vonë, për arsye të moskryerjes në kohë nga ana e KLGj-së të lëvizjeve paralele dhe ngritjes në detyrë të gjyqtarëve aktualë, ç’ka do të mundësonte krijimin e vendeve të lira në gjykatat e Shkallëve të Para të Juridiksionit të Përgjithshëm.

Në ligjin “Për statusin e gjyqtarëve dhe prokurorëve…” përcaktohet se Këshillat brenda muajit qershor të çdo viti duhet të shpallin vendet e lira dhe se brenda muajit korrik secili Këshill publikon vendimet e tij për caktimin e të emëruarve në pozicionet e lira për magjistratët. Këto përcaktime ligjore nuk janë respektuar nga ana e KLGj-së në mënyrë të përsëritur.

KLGj është justifikuar se caktimi duhej të priste përfundimin e procedurave të transferimit paralel dhe të ngritjes në detyrë të gjyqtarëve aktualë.

Procesi i vetingut nxorri jashtë sistemit më shumë se gjysmën e trupës së magjistratëve. Për rrjedhojë, në gjykata u krijuan vakanca të shumta që vijojnë të mbeten të paplotësuara prej vitesh, si dhe ka vijuar të rritur stoku i dosjeve që presin të shqyrtohen prej vitesh.

Sipas të dhënave të vendosura në dispozicion nga KLGj, struktura organizative për të gjitha gjykatat parashikon 417 gjyqtarë.

 Organika faktike aktuale rezulton të ketë 308 gjyqtarë të emëruar, nga të cilët janë efektivisht në detyrë 265. Me caktimin e magjistratëve të rinj, numri i gjyqtarëve efiktivisht në detyrë shkon në 307, ndërsa i të emëruarve shkon 350. Mbeten ende edhe 67 vende vakante në gjykata./BIRN

Të fundit