Flash News

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

E-TJERA

Pas 320 vitesh histori, mbyllet gazeta më e vjetër në botë

Politiko 28 Prill 2023, 17:09

Pas 320 vitesh histori, mbyllet gazeta më e vjetër në botë

Gazeta më vjetër në botë, me një histori botimi prej 3 shekujsh nuk do të dalë më në treg.

Gazeta që raportoi për Moxartin 320 vite më parë është mbyllur. ‘Wiener Zeitung’, një nga mediat më historinë më të vjetër të shtypit të shkruar në botë do të ndalë printimin me vendim të parlamentit të Austrisë.

Gazeta e ka pasur fillesën si një organ shtetëror dhe ka raportuar për më shumë se 3 shekuj për gjithë zhvillimet në Austri dhe në Europë. Në arkivin e saj gjenden ngjarjet më të rëndësishme për Austrinë duke përfshirë dhe historinë e Habsburgëve.

Në parlamentin austriak prej vitesh diskutohej projekti për mbylljen e saj. Argumentet për mbyllje lidhen që nga rënia e numrit të shitjeve dhe deri te shqetësimet për mbrojtjen e ambientit nga përdorimi i letrës.

Në ditët më të mira, gazeta ka pasur rreth 50 mijë kopje. Ndërsa vitin e fundit numri i shitjeve ra në 20 mijë.

Tashmë gazeta që është pjesë e historisë së Austrisë do të jetë vetëm online. Rreth 200 gazetarë të gazetës kanë zhvilluar protesta kundër këtij vendimi, por kancelari Austriak që sipas ligjit është dhe de juro botuesi i saj, ka mbështetur vendimin për mbylljen e qarkullimit.

Në vitin 2021, kancleari Sebastian Kruz deklaroi se nuk është detyrë e qeverisë të financojë një gazetë të përditshme.

Kundër mbylljes së saj ka pasur reagimi dhe nga shoqatat e gazetarëve. Në vendimin e Parlamentit austriak thuhet se gazeta mund të publikohet në variantin print të paktën 10 herë në vit, por kjo do të varet nga mundësitë që qeveria do të ketë për fonde.

Të fundit