Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pas Berishës, Kulluri konfirmon se do të garojë për kreun e PD: Kam arsye të forta

Politiko 29 Tetor 2021, 08:17

Pas Berishës, Kulluri konfirmon se do të garojë për kreun e

Pas ish-kryeministrit Sali Berisha, ka qenë ish-anëtari i Këshillit Kombëtar të PD, Edvin Kulluri që ka konfirmuar se do të marrë pjesë në garën për kreun e Partisë Demokratike.

Lajmin e ka bërë me dije vetë Kulluri teksa ishte i ftuar mbrëmjen e djeshme në “Real Story”. Ai foli për arsyet që e çuan në marrjen e këtij vendimi. Kulluri tha se do të përfaqësojë zërin e demokratëve, duke theksuar se ata e meritojnë këtë gjë.

Ai shtoi se ka beson te liria e votës dhe se ka moshën e duhur për të ndërmarrë një hap të tillë. Kulluri është pjesë e grupimit "Për PD-në" dhe ka mbështetur hapur "Foltoren" e ish-kryeministrit Berisha. Ndërkohë ka qenë një ndër zërat kritikë ndaj kryetarit Lulzim Basha.

“Sot jam këtu për të thënë që jam i gatshëm dhe kam vendosur që në garën që do të hapet në PD, besoj shumë shpejt pas Kuvendit që do të mbahet për shkak të firmës të hyj në garën për kryetar partie për shumë arsye.

Së pari, unë mendoj që hapja e garës përmes vendimit që do merret në Këshillin Kombëtar është një mundësi për të garuar për arsye të forta. Kam mbajtur qëndrime konsistente. Ata njerëz që na kanë mbështetur, meritojnë një zë dhe përfaqësim në garën për kryetar partie. Ky është dhe respekt ndaj tyre. Besoj që këta njerëz meritojnë një mundësi tjetër, përveç kandidaturës së z. Berisha.

Them se jam në këtë pozicion dhe kam të drejtën morale për të bërë këtë hap, aq më tepër të ri si unë, këtë vit kam mbushur 45 vjeç, kur beson tek liria e votës, tek cila është e mira nuk ka asnjë arsye të më pengojë mua apo këdo të hyj në këtë garë. Unë në garë hyj për t’u votuar, se sa vota do marr, kjo është çështja e atyre që votojnë por edhe përgjegjësia ime që t’i bind, nuk hyj me një votë, hyj me vota në garë.

E mbështes foltoren dhe mbledhjen e Kuvendit. Është e drejtë, e domosdoshme, shumë e vonuar. Nuk kam marrë pjesë në foltore, për arsye se më është dashur të ruaj koherencën time morale. Kanë kauzë të drejtë, i kam mbështetur, e mbështes Kuvendin, por përderisa kam 4 vite e ca që luftoj për këto parime të drejta”, tha Kulluri.

Të fundit