Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pas Ekuadorit, shqiptarët tentojnë Panamanë për trafik droge. Autoritetet godasin tre raste

Politiko 9 Shkurt 2022, 20:46

Pas Ekuadorit, shqiptarët tentojnë Panamanë për trafik

Prej vitesh, mafia shqiptare ka fituar terren dhe filloi të kontrollonte hyrjen e lëndëve narkotike në porte të ndryshme të Amerikës Latine.

Me kalimin e viteve, Ekuadori u bë një vend tërheqës për shkak të kontrollit të dobët të kufijve dhe mangësive të sistemit gjyqësor, por edhe ekonomisë që lejonte dollarin, dhe investimet e shumta, prej të cilave kryhet pastrimi i parave.

Mirëpo, duket se së fundmi, shqiptarët po synojnë të shtrihen edhe në Panama për trafik droge.

Mediat panameze, bëjnë të ditur se gjatë vitit 2021, autoritetet e sigurisë arritën të zbulonin 72 alarme përmes kapjes biometrike, nga të cilat u identifikuan 38 persona me lidhje terroriste, të cilët tentuan të hynin në vend nga Palestina, Jordania, Iraku, Jemeni, Afganistani, Pakistani dhe Siri Lanka.

Ministria e Sigurisë (Minseg) raportoi se përveç kësaj, 22 persona u identifikuan për vjedhje identiteti nga Afrika, veçanërisht nga Somalia, Mali, Egjipti, Togo dhe Sierra Leone. Lidhur me krimet e lidhura me drogën, Minseg shpjegoi se tre raste u zbuluan nga kontinenti evropian dhe se ata mbërritën në Panama nga Britania e Madhe, Shqipëria dhe Rumania.

Nga 9 sinjalizimet e marra për njerëz nga Amerika, të dhënat tregojnë se ata ishin nga Kolumbia, Republika Domenikane, Kuba, Ekuador, Peru dhe Meksika, të gjithë të lidhur me trafikun e drogës.

Sipas institucioneve të sigurisë, zbatimi në Panama i pajisjeve të avancuara të leximit biometrik dhe platformave të të dhënave, të ndërthurura me agjencitë ndërkombëtare të sigurisë, ka lejuar kapjen në vend të të huajve me lidhje terroriste, vjedhje identiteti dhe krime të lidhura me drogën.

Është një sistem identifikimi i njerëzve dhe sinjalizimeve që lejojnë kalimin e informacionit me agjencitë ndërkombëtare të sigurisë si Interpoli dhe FBI, duke dhënë referenca dhe të dhëna të njerëzve të pasagjerëve që përpiqen të hyjnë në vend si udhëtarë dhe se në shumë raste paraqiten me dokumentacion fals ose duke u shtirur si emigrantë.

Të fundit