Flash News

Lirohet nga burgu Safet Gjici, shkak gjendja e rënduar shëndetësore

EMRI/ Prifti rrëzohet nga çatia e kishës në Korçë, dërgohet në spital

Apeli i GJKKO lë në fuqi dënimin me burg për Leonard Luzin dhe dy bashkëpunëtorët

A do ta çelë seancën parlamentare në shtator si deputeti më i vjetër i Kuvendit? Ja si përgjigjet Berisha

Rama mori 84 mandate, ambasadori i BE: Të zbatojë reformat, nuk ka kujt t’ia hedhë fajin

E-TJERA

Pas sulmit të Iranit, kthehen nga Izraeli në atdhe 13 shqiptarë

Politiko 15 Prill 2024, 11:48

Pas sulmit të Iranit, kthehen nga Izraeli në atdhe 13 shqiptarë

Qytetarët shqiptarë, të cilët udhëtuan javën e kaluar për arsye pune apo turistike në Lindjen e Mesme, janë kthyer në atdhe. 13 turistët u larguan mbrëmjen e djeshme nga Jordania, e prej disa orësh janë pranë familjeve të tyre në atdhe.

Lajmin e bën të ditur Ministri i Jashtëm, Igli Hasani, teksa ka ndarë në Facebook një foto të shqiptarëve të kthyer, të cilët janë shëndoshë e mirë.

“Prej mbrëmjes së të shtunës, përmes koordinimit të pandërprerë me ambasadat e Republikës së Shqipërisë në Izrael e Egjipt, nisëm punën për të organizuar kthimin e të gjithë qytetarëve shqiptarë, fluturimet e të cilëve u anuluan për shkak të situatës së tensionuar në rajon. 10 nxënës që studiojnë në shkollat ndërkombëtare në Izrael, 7 prej të cilëve nga Shqipëria dhe 3 nga Kosova, së bashku me 5 punonjës të Ministrisë së Turizmit dhe familjarë të tyre, kanë mbërritur në Qipro. Sot në mbrëmje të 15 qytetarët që u larguan nga Tel Aviv udhëtojnë drejt Tiranës e Prishtinës”, shkruan Hasani.

Hasani thotë se po punohet për kthimin në atdhe edhe të dy qytetarëve, të cilët nuk mundën dot të përgjigjeshin në telefon të dielën, ndërsa përgatitej fluturimi i radhës.

Të fundit