Flash News

Familja me 5 anëtarë bllokohet në malin e Tomorit nga moti i keq, ndërhyn policia

Bora bllokon rrugën e Arbrit, situatë problematike edhe në Qafën e Ulzës

Moti i keq bllokon rrugët në Shqipëri, policia: Ja akset problematike

I kërkuar për ekstradim në Itali, arrestohet kreu i klanit "Farruku"

Shpërthim me tritol në një hotel në Theth

E-TJERA

Pas rënies së regjimit në Siri, shqiptari i burgosur në burgjet e Assad-it ribashkohet me familjen pas 12 vitesh

Politiko 12 Dhjetor 2024, 13:46

Pas rënies së regjimit në Siri, shqiptari i burgosur në

Eksperti i sigurisë në Kosovë, Bedri Elezi, ka ndarë një histori prekëse lidhur me një qytetar të Kosovës, i cili pas 12 vitesh burgim në Siri ka arritur të kontaktojë më në fund me familjen e tij. Ngjarja daton që nga viti 2012, kur kosovari kishte tentuar të largohej nga regjimi i Bashar al-Assad. Në përpjekje për të shpëtuar, ai kishte kërcyer nga një urë e lartë, duke thyer këmbët, përpara se të arrestohej dhe të dërgohej në burg.

Elezi, në një intervistë për Euronews Albania, shpjegoi se ky person, banor i Komunës së Hanit të Elezit, ka kaluar 12 vite i izoluar në një burg të ashpër në Sinaja, pa asnjë mundësi komunikimi me familjen. Lirimi i tij u bë i mundur pasi burgu ku ndodhej ra nën kontrollin e rebelëve sirianë.

"Ditën e dielë, pas lirimit, ai ka arritur të kontaktojë me familjen dhe i ka siguruar se është shëndoshë e mirë. Ai mezi pret që t’i krijohen kushtet për t’u kthyer në Kosovë", tha Elezi.

Eksperti tregoi me detaje dhe historinë e këtij personi ku shpjegoi se para 12 viteve në përpjekje për ti ikur forcave të Asaddit ai kishte kërcyer nga nje urë e lartë dhe kur kishtë rënë kishte thyer këmbët dhe më pas e kishin kapur dhe vendosur në burg dhe familja e tij nuk kishte informacione për fatin e tij që nga ajo kohë.

“Ai është nga Komuna e Hanit të Elezit dhe kishte shkua në Siri në vitin 2012. Në fakt unë kisha komunikuar me familjen e tij dhe ju kisha thënë se ai ishte te burgu në Sinaja dhe se është gjallë. Ishte vështirë për të na besuar madje kemi pasur raste që dhe familjarët na kundërshtonin, duke thënë që kujdes se ne nuk kemi informacione fare për të afërmin. Ky person ka qëndruar 12 vjet në burg dhe në përpjekje për tu larguar forcave të Asaddit kishte kërcyer nga nje urë e lartë dhe kur kishte rënë kishte thyer këmbët dhe atë e kishin kapur dhe vendosur në burg dhe familja e tij nuk kishte informacione për fatin e tij dhe këtë të djelë ai foli me familjarët dhe u tha që është shëndosh dhe mirë”, tha eksperti Elezi.

Ai u shpreh se janë rreth 60 qytetarë të Republikës së Kosovës që ndodhen në zona që kanë qenë nën kontroll të Assadit të cilët janë familjarë.

“Ne kemi diku rreth 60 qytetarë të Republikës së Kosovës që ndodhen në zona që kanë qenë nën kontroll të Assadit të cilët janë familjarë madje më kujtohet kemi pasur një përpjekje me Ministrinë e Jashtme të Haradinajt për ti riatdhesuar ato dhe në kuadër të këtyre përpjekjeve ata kishin pritur rreth dy muaj në një qytet afër kufirit me Turqinë për tu futur në Turqi dhe më pas për të gjetur një mënyrë për tu riatdhesuar por ishte pamundur dhe akoma janë në Siri”, tha Elezi.