Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Sherr në varrezat e Durrësit, plagosen babë e bir

Aksidentohet për vdekje një grua në Tapizë, pranga shoferit 33-vjeçar

Mbrëmë i shpëtoi atentatit/ Kush është Katerina Beqo, gruaja që ishte në makinë me djalin e vogël kur i ekzekutuan burrin (Ngjarja)

Dyshohet se u përdor në vrasjen e Gjovalin Prendit, gjendet i djegur një automjet në Fushë Gjormë

E-TJERA

Pas shqetësimeve për ngjarjet në shkolla, qeveria dyfishon praninë e oficerëve të sigurisë

Politiko 17 Prill 2025, 19:18

Pas shqetësimeve për ngjarjet në shkolla, qeveria dyfishon

Këshilli i Ministrave ka miratuar një vendim të ri për përforcimin e masave të sigurisë në institucionet arsimore parauniversitare, duke bërë ndryshime në VKM-në nr. 600, datë 9.10.2018, që përcakton shërbimin e sigurisë publike në shkolla.

Sipas vendimit të fundit, gjimnazet, shkollat e mesme profesionale dhe institucionet e tjera të arsimit parauniversitar që kanë mbi 900 nxënës, do të kenë 2 oficerë sigurie, në vend të vetëm një oficeri siç ishte më parë.

Po ashtu, është përcaktuar që:

Gjimnazet, shkollat e mesme profesionale dhe shkollat e orientuara me mbi 80 nxënës, do të kenë të paktën 1 oficer sigurie;
Shkollat bazë ose të bashkuara me mbi 350 nxënës, do të kenë gjithashtu 1 oficer sigurie;
Shkollat profesionale me mbi 700 nxënës, do të pajisen me 2 oficerë sigurie.
Lista e institucioneve që përfitojnë nga ky shërbim do të përcaktohet me urdhër të ministrit të Arsimit, ndërsa për institucionet profesionale vendimet do të merren bashkërisht me ministrin përgjegjës për formimin profesional.

Vendimi thekson se shërbimi i sigurisë publike konsiston në monitorim aktiv nga oficerët e sigurisë, përmes bashkëpunimit të vazhdueshëm me nxënësit, personelin arsimor dhe komunitetin.

Ndryshimet parashikojnë gjithashtu që shpenzimet për oficerët e sigurisë të mbulohen nga fondet e buxhetit të miratuar për Ministrinë e Arsimit dhe Sportit, ndërsa për arsimin profesional – nga fondet e Ministrisë për Arsimin dhe Formimin Profesional.

Me këtë vendim, qeveria synon të përforcojë masat parandaluese dhe të sigurojë një mjedis më të sigurt për nxënësit në shkolla, pas rasteve të raportuara së fundmi për dhunë dhe incidente të tjera shqetësuese në ambiente arsimore.

Të fundit