Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pas SPAK, edhe KLP e pakënaqur me buxhetin: Fondi s’na del as për drita dhe ujë

Politiko 2 Nëntor 2022, 11:19

Pas SPAK, edhe KLP e pakënaqur me buxhetin: Fondi s’na del as

Këshilli i Lartë i Prokurorisë ka kundërshtuar sot në Komisionin e Ligjeve projektbuxhetin e vitit 2023 lidhur me numrin e punonjësve dhe fondin e akorduar.

Sipas kreut të KLP-së Alfred Balla, tha se këtë vit Ministria e Financave ka tërhequr nga buxheti i institucionet 90 milionë lekë duke prekur edhe nevojat bazike. Balla tha se KLP është një organ i pavarur që e vendos vetë strukturën e organizimit, duke përfshirë këtu numrin e punonjësve.

“Ne sot na mungon zyra e këshilltarit të etikës. Mungojnë njësi mbështetëse për marrëdhëniet me publikun. Na mungon një njësi mbështetëse për teknologjinë e informacionit, kemi vetëm një IT, na mungon njësia e trajnimit për prokurorët dhe nëpunësit civilë të sistemit të prokurorisë. Kemi kërkuar që nga 65 persona, të shkojë në 78 numri i personave të strukturës së Këshillit të Lartë të Prokurorisë. Një 90 milionësh na e ka marrë ministria e Financave në këtë vit, duke na prekur edhe në nevoja bazike të pagave apo të llogarive të tjera të këshillit. Kërkesa jonë bazohet në faktin se ne jemi organ i pavarur. Në momentin që jemi krijuar ka qenë një mangësi ligjore dhe struktura jonë është caktuar nga kuvendi. Por tani shikojmë se puna jonë realizohet më mirë me një strukturë përkatëse siç ua vumë në dijeni. Doja të shtoja diçka në lidhje me buxhetin. Buxheti ynë është modest, në krahasim me gjithë sistemin e prokurorisë ne kemi vetëm 4%. Prokuroria e përgjithshme merr 66%, ndërsa SPAK-u dhe BKH marrin 30%. Ndërsa ne kemi vetëm 4% në total. Mendoj që nuk janë kërkesa të ekzagjeruara por të nevojshme që na bëjnë të realizojmë detyrat tona kushtetuese”, u shpreh Balla.

Ndërsa Sekretari i Përgjithshëm i KLP-së, Enis Çervara, u shpreh se ulja e shpenzimeve bëri që institucioni të mos ketë fond as për dritat dhe ujin.

“Ne kemi bërë edhe një kërkesa sa i takon disa pajisjeve, për blerjen e një serveri qëndror, një program për digjitalizimin. Sa i përket buxhetit të këtij viti, ideja është që ne na u ulën shpenzimet koherente dhe pagat në një shumë të konsiderueshme që na ka bërë që sot të mos kemi fonde edhe për nevoja bazike, dritat dhe uji. 75% të shpenzimeve tona koherente shkojnë për nevoja bazike, mirëmbajtje të godinës, ujë dhe shpenzime të energjisë elektrike. Kërkesa jonë në 35 milionë lekë të reja nga 25 që ministria e Financave ka akorduar, është shumë minimale që ne të plotësojmë detyrimet tona ndaj shtetit. Janë kërkesa minimale”, tha Çervara.

Kreu i SPAK Arben Kraja kritikoi qeverinë se në buxhetin e vitit 2022 në mënyrë të njëanshme dhe të “dhunshme” kishte ndërhyrë me akte normative për të ndërprerë financimet e paracaktuara në buxhet dhe e konsideroi këtë kufizim të pavarësisë së SPAK-ut.

“Një praktikë e tillë nuk duhet bërë më. Nuk duhet të ketë prerje të njëanshme të dhunshme të buxhetit të një institucioni të pavarur sepse mendoj se futet tek kufizimet e pavarësisë së një institucioni për të funksionuar", tha Kraja para deputetëve.