Flash News
Grupi parlamentar i PD dorëzon në Kuvend propozimin: Pensioni të rritet në 300 euro
Vendimi për çështjen e vulës, Bardhi: Gjykata e Lartë t’i japë fund absurdit, PD i përket anëtarëve të saj
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Pas titullit kampion, Bayern Munich “mbyll llogaritë” me Oliver Kahn dhe Brazzo-n
Vetëm disa minuta pasi ngritën trofeun e 11-të radhazi në Bundesligë, Bayern Munich ka shkaktuar një ‘shok’ për futbollistët dhe tifozët bavarezë.
Klubi ka ndarë rrugët me CEO-n e klubit, Oliver Kahn dhe Hasan Salihamidzic ose Brazzo duke i shkarkuar të dy.
Kahn, i cili mori postin në vitin 2021 duke pasuar Karl-Heinz Rummenigge, do të zëvendësohet nga Jan-Christian Dreesen me efekt të menjëhershëm, siç tha klubi në një deklaratë.
“Jan-Christian Dreesen ka bërë një punë të jashtëzakonshme për FC Bayern gjatë dhjetë viteve të fundit. Ai jeton FC Bayern, e njeh klubin brenda dhe e di se çfarë është e rëndësishme këtu. Jemi shumë të kënaqur që ai po merr përsipër këtë detyrë. Ai mund të shkojë në punë pa një periudhë përshtatjeje, dhe kjo është pikërisht ajo që i duhet FC Bayern në situatën aktuale”, tha Herbert Hainer, kryetar i bordit mbikëqyrës të FC Bayern.
Bayern mundi Këlnin 2-1 falë fituesit të minutës së 89-të nga Jamal Musiala dhe përfitoi nga barazimi 2-2 i Borussia Dortmundit për të fituar titullin me golaferencë.
Ata u eliminuan nga Kupa e Gjermanisë dhe Liga e Kampionëve në tetë e fundit, pavarësisht se ndryshuan trajnerë në fund të marsit me Thomas Tuchel që mori drejtimin nga Julian Nagelsmann në një lëvizje të papritur.