Flash News

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

KQZ nxjerr shifrat: Sa qytetarë kanë votuar deri në 14:00, si renditen qarqet

E-TJERA

Pas “Unazës”, urbani i Laprakës "në aksion", kapet i dehur në timon shoferi

Politiko 21 Mars 2023, 17:13

Pas “Unazës”, urbani i Laprakës "në

Tashmë janë bërë të zakonshme aksidentet me urbanet e kryeqytetit, ku herë e ka fajin shpejtësia e herë alkooli. Kështu ka ndodhur dhe së fundmi por fatmirësisht është shmangur një përplasje e mundshme.

Mësohet se shoferi i autobusit të linjës së Laprakës, G. T., 57 vjeç, banues në Tiranë është vënë në pranga pasi është kapur i dehur në timon.

 Në njoftimin e policisë bëhet me dije se drejtuesi i urbanit është një nga 16 personat e vënë në pranga në 24 orët e fundit, të gjithë të kapur të dehur në timon.

“Drejtonte në gjendje të dehur, autobusin e linjës së Laprakës, arrestohet në flagrancë 57-vjeçari. Shërbimet e Policisë Rrugore të Tiranës vijojnë kontrollet me shërbime të shtuara në terren dhe me mjete inteligjente, me qëllim parandalimin e aksidenteve rrugore. Kontrolle të përditshme, edhe ndaj drejtuesve të automjeteve të transportit publik, për shkak të rëndësisë që paraqet ky sektor. Si rezultat, u arrestua në flagrancë shtetasi G. T., 57 vjeç, banues në Tiranë, sepse pas testimit me aparatin alkool-testues, rezultoi se drejtonte autobusin e linjës së Laprakës, në gjendje të dehur. Gjithashtu, gjatë 1 jave, nga monitorimi me mjetet inteligjente, në akse të ndryshme të kryeqytetit: janë arrestuar në flagrancë 16 shtetas, 12 prej të cilëve pasi drejtonin mjetin përkatës, në gjendje të dehur; 2 të tjerë pasi drejtonin mjetin, pa leje drejtimi dhe 2 drejtues, për shkelje të tjera të rregullave të qarkullimit rrugor”, njofton policia.

Policia e Tiranës shton se janë pezulluar 79 leje drejtimi, 38 prej të cilave për tejkalim të normave të shpejtësisë; 31 për drejtim të mjetit, nën efektin e alkoolit dhe 10 leje drejtimi, për shkelje të tjera të Kodit Rrugor.

“Janë pezulluar 79 leje drejtimi, 38 prej të cilave për tejkalim të normave të shpejtësisë; 31 për drejtim të mjetit, nën efektin e alkoolit dhe 10 leje drejtimi, për shkelje të tjera të Kodit Rrugor. Monitorimi i akseve rrugore, me mjetet e logjistikës bashkëkohore, vijon. Policia Rrugore e Tiranës apelon për drejtuesit e mjeteve dhe për përdoruesit e tjerë të rrugës, për zbatimin me rigorozitet të rregullave të qarkullimit rrugor, me qëllimin e vetëm, parandalimin e aksidenteve rrugore dhe rritjen e parametrave të sigurisë në rrugë”, thuhet në njoftim.

Kujtojmë që një ndër rastet më të rrezikshme të urbanve të lali Erit është aksidenti i urbanit të linjës së Unazës, ku mbetën të plagosur të paktën nëntë persona.

Aksidenti ndodhi tek Tajvani, ku shumë makina u përplasën duke krijuar dhe kaos.

Pas “Unazës”, urbani i Laprakës "në

Të fundit