Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

“Përballja” e Dumanit me deputetët, Beçi: Në sallë kishte gjithë subjektet e hetimeve të tij

Politiko 15 Korrik 2024, 22:21

“Përballja” e Dumanit me deputetët, Beçi: Në

Ish-prokurori Eugen Beçi ka komentuar raportimin e sotëm të kreut të SPAK, Altin Dumani para Kuvendit.

I ftuar në studion e emisionit “Open” në News24, Beçi u shpreh se kishte një paradoks në lidhje me raportimin e sotëm, duke thënë se Dumani kishte përballë tij ndoshta të gjithë subjektet e hetimeve të tij dhe institucionit që drejton.

Sipas tij, në këtë mënyrë është e vështirë të ketë një raport normal sa i përket raportimit dhe llogaridhënies së legjislativit.

“Duke nisur nga raportimi në Kuvend, këtu ka një paradoks të madh që duhet zgjidhur ndoshta me Kushteutë. Duke marrë shkas nga fakti që një nga përfaqësuesit e mazhorancës foli dhe mori në mbrojtje drejtuesin e SPAK, duke thënë se ky është vetting jonë, këtu zbërthehet skema. Një person që shkon në sallën e parlamentit dhe aty ka gjithë subjektet e hetimeve të tij, është e vështirë të ketë një raport normal sa i përket raportimit dhe llogaridhënies së legjislativit.

Kampi i majtë me një servilizëm të dukshëm mbështeti kreun e SPAK dhe në krahun tjetër kampi i djathtë që edhe po t’u thoshte shëndet Dumani, do i thoshin “plaç”. Seanca e sotme për këto arsye ishte vështirësi e madhe për të kuptuar se kreu i SPAK paraqitet në parlament për të thënë se i erdhi fundi pandeshkuëshmërisë, por shpresoj të mos vijë dita e ndëshkimit pa ligj. Deputetët duhet të ishin më të qartë në pyetjet e tyre. Nuk dëgjova ndonjë deputet për shkelje të parimeve veç Leskajt”, u shpreh ai.

Të fundit