Flash News

Dimal/ 71-vjeçari pret krahun duke punuar në një gurore, dërgohet në Spitalin e Traumës

I jepet lamtumira e fundit Gjovalin Prendit, ceremonia mortore nën masa të rrepta sigurie

Video/ Berisha niset drejt Dibrës, mbështetësit e presin me padurim në mes të rrugës

Gjirokastër/ Shfrytëzonin për pro*titucion një 26-vjeçare, arrestohen 2 tutorët

Abuzim në Doganën e Kapshticës, procedohen penalisht 6 zyrtarë

E-TJERA

P*rdhunuan një vajzë britanike, dënohen me nga 9 vite burg dy të rinj shqiptarë në Angli

Politiko 18 Prill 2025, 17:51

P*rdhunuan një vajzë britanike, dënohen me nga 9 vite burg dy

Dy të rinj shqiptarë janë dënuar me nga 9 vite burg secili nga Gjykata e Leicester-it në Angli, pasi u shpallën fajtorë për përdhunimin e një gruaje britanike në tetor të vitit 2023.

Në qendër të ngjarjes janë 22-vjeçari Redjon Cenaj dhe 20-vjeçari Mariglen Ferataj, të cilët sipas hetimeve kishin takuar viktimën gjatë një nate në një klub në qytetin Leicester. Më vonë, vajza ishte ndarë nga grupi i miqve dhe kishte dalë jashtë me Cenajn. Më pas, atyre iu bashkua edhe Ferataj.

Të tre udhëtuan me një taksi drejt banesës së vajzës, ku ndodhi edhe akti i dhunës seksuale. Pamjet e kamerave të sigurisë si dhe provat mjekoligjore ishin vendimtare në zbardhjen e rastit. Kamerat treguan qartë se vajza nuk ishte në gjendje të mirë fizike apo mendore, ndërsa dy të rinjtë u panë duke e ndihmuar të hipte në taksi. Në një moment, ajo rrëzohet në tokë, ndërsa Ferataj shihet duke e ngritur dhe futur në automjet.

Shoferi i taksisë dëshmoi në gjyq se viktima dukej e pavetëdijshme për situatën dhe nuk ishte në gjendje të merrte vendime. Ndërkohë, një analizë toksikologjike zbuloi praninë e substancave narkotike në trupin e saj.

Pavarësisht pretendimeve të të rinjve ku Ferataj deklaroi se marrëdhënia ishte me pëlqim dhe Cenaj mohoi të kishte pasur kontakt seksual gjykata i gjeti të dy fajtorë për veprën penale të përdhunimit.

Vendimi i Gjykatës së Leicester-it erdhi në fund të procesit gjyqësor muajin e kaluar, duke i dënuar me nga 9 vite burgim secilin për krimin e rëndë.

Të fundit