Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përfundon pas 12 orësh seanca për Teatrin Kombëtar, Gjykata Kushtetuese tërhiqet për vendimin

Politiko 16 Qershor 2021, 22:22

Përfundon pas 12 orësh seanca për Teatrin Kombëtar, Gjykata

Ka përfunduar pas 12 orësh seanca në Gjykatën Kushtetuese për Teatrin Kombëtar.

Gjykata Kushtetuese është tërhequr për të marrë një vendim përfundimtar për padinë e Presidentit të Republikës për Teatrin Kombëtar, i shembur një vit më parë me vendim të Këshillit Bashkiak, një vendim i kundërshtuar nga opozita dhe shoqëria civile.

Aktivistja për Mbrojtjen e Teatrit, Adriana Kalaja u shpreh se sot u gjykua me themel çështja e shembjes së Teatrit Kombëtar.

“Siç jeni në dijeni, mbaruam një seancë maratonë, filloi 10 paradite. Sot u bë realisht gjykimi i themelit të çështjes, ku Presidenti dhe Aleanca kërkuam shfuqizimin e ligjit special të 2018 të VKM së transferimit të pronës së 2020 dhe vendimit të Bashkisë për shembjen e teatrit.

Pas një debati të gjatë siç e keni ndjekur, Gjykata Kushtetuese e mbylli hetimin, administroi provat dhe u tërhoq për të marrë vendimin përfundimtar’’- tha Kalaja.

Presidenti Meta ka kërkuar në Gjykatën Kushtetuese shfuqizimin e kalimit të pronësisë së Teatrit nga Ministria e Kulturës tek Bashkia Tiranë dhe shfuqizim të procedurës së kontratës për ndërtimin e godinës së re të Teatrit Kombëtar. 

Teatri Kombëtar u shemb mëngjesin e 17 majit, që më pas solli edhe protesta dhe përplasje mes policisë dhe aktivistëve për mbrojtjen e Teatrit, me të cilët ishte rreshtuar dhe opozita, për disa ditë me radhë.

 

Të fundit