Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vlefshmëria e "30 qershorit"/ Përfundon seanca, Gjykata Kushtetuese kërkon deri në 30 ditë kohë për vendimin

Politiko 2 Nëntor 2021, 11:43

Vlefshmëria e "30 qershorit"/ Përfundon seanca, Gjykata

Ka përfunduar seanca për vlefshmërinë e zgjedhjeve lokale të vitit 2019-ën në Gjykatën Kushtetuese. Kryetarja e kësaj gjykate, Vitore Tusha ka deklaruar se vendimi do iu komunikohet palëve brenda afateve kushtetuese. Ky afat është 30 ditë.

Pas përfundimit të mbledhjes, avokati i Shoqatës së Bashkive Jordan Daci u shpreh se "Kushtetuesja" është i vetmi institucion që mund të shqyrtojë vlefshmërinë zgjedhjeve.

Ai shtoi se asnjë prej palëve nuk do të dalë e humbur, duke shprehru bindjen se do të fitojë demokracia. Avokati përsëriti se opinioni i "Venecias" nuk është i saktë dhe detyrues.

“Kemi kënaqësinë që të themi për publikun se ky është një proces që asnjë palë s’do të dalë e humbur. Do të fitojë demokracia. Përtej asaj që ka thënë Venecia, zgjedhësve duhet t’u jepet një kuptim i ri për zgjedhjet.

Zgjedhjet e 30 qershori nuk ishin në përputhje me parimet e Komisionit të Venecias. Ky opinion nuk është detyrues dhe as i saktë. Në paragrafin 47 e pranon, në 28 e mohon. Nga ana tjetër unë bërë pyetjen: nëse nuk është Gjykata Kushtetuese, kush është atëherë?!

Përse komisioni i Venecias nuk anashkalon me qëllim këto vendime. Ka kompetencë. Komisioni thotë që Gjykata ka vendime kushtetuese, mund të merret me legjislacionin zgjedhor. Ne mendojmë që ka kompetencë dhe Gjykata Kushtetuese do e gjykojë”, tha Daci.

Daci kërkoi dhe gjatë seancës që të mos merrej parasysh Komisioni i Venecias. Ndërsa përfaqësuesja e kryeministrisë kërkoi respektimin e opinionit të komisionet, duke pretenduar se "Kushtetuesja" nuk ka kompetencë për të vlerësuar ligjshmërinë e procesit zgjedhor.

Në seancë ishin të pranishëm përfaqësues të institucioneve të interesuara si nga Kuvendi, Komisioni Qendror i Zgjedhjeve, Avokati i Popullit dhe Bindja Demokratike.

"Venecia" artikuloi se Presidenti i Republikës nuk ka të drejtë të shtyjë zgjedhjet në kushtet e mungesës së bazës ligjore, vlerësoi se Gjykata Kushtetuese nuk ka kompetencë të shqyrtojë pavlefshmërinë e zgjedhjeve dhe u shpreh se partitë nuk janë të detyruara të marrin pjesë në zgjedhje, por bojkotin e cilësoi të papranueshëm.

Kujtojmë që opozita i bojkoti zgjedhjet vendore të 30 qershorit. Padia në Gjykatën Kushtetuese u dorëzua nga Shoqata e Bashkive, që drejtohej nga kryebashkiakja e Shkodrës, Voltana Ademi. Shoqata kërkonte shpalljen si të pavlefshme të zgjedhjeve të 2019.