Flash News

Aksident në aksin Fier-Lushnje, Benz-i përplas nga pas furgonin me pasagjerë, 7 të plagosur, dy në gjendje të rëndë

Shpërthime të fuqishme në Tel Aviv dhe Jerusalem, Irani sulmon me mbi 100 raketa

Përfshihet nga flakët makina në Bulqizë, shpëton shoferi dhe pasagjerët

Zjarr në Berat, përfshihet nga flakët një sipërfaqe me shkurre

Emigranti shqiptar i nxori nga lumi, dy fëmijët nuk ia dalin dot, pësojnë vdekje klinike

E-TJERA

Përplasje dhe tensione te Urdhri i Psikologut/ Treska refuzon të lërë zyrën, Laboviti përjashtohet

Politiko 13 Qershor 2025, 15:01

Përplasje dhe tensione te Urdhri i Psikologut/ Treska refuzon të

Situata te Urdhri i Psikologut vijon të jetë e tensionuar, ndërsa përplasja për drejtimin e institucionit është thelluar më tej këtë të enjte. Në orën 13:00 ishte parashikuar të mbahej një mbledhje nga Këshilli i vjetër i Urdhrit, ku do diskutohej mosnjohja e rezultatit të zgjedhjeve të 5 qershorit, që nxorën fituese Brunilda Labovitin. Por kjo mbledhje është kundërshtuar nga vetë Laboviti dhe përfaqësuesit e saj, të cilët janë përballur me mbylljen e derës së institucionit.

Nuk dihet ende nëse ish-presidentja Valbona Treska ndodhet brenda ambienteve të Urdhrit, ndërkohë që ajo refuzon të njohë vendimin e votës së psikologëve. Edhe pse pa mandat dhe e shkarkuar, Treska vijon të qëndrojë në zyrë, duke përdorur, sipas kundërshtarëve të saj, artificë të jashtëligjshme për të mbajtur kontrollin e institucionit.

Burime për mediat theksojnë se Policia ka ndërhyrë disa ditë më parë për të zbatuar vendimin dhe për ta nxjerrë Treskën nga zyra, por ajo ka refuzuar të largohet. Brunilda Laboviti, që doli fituese në një proces zgjedhor të zhvilluar në mënyrë të rregullt dhe me pjesëmarrje nga psikologë nga gjithë vendi, ende nuk ka mundur të marrë detyrën si presidente e re.

Dy vite tensione dhe akuza
Përplasjet në krye të Urdhrit të Psikologut nuk janë të reja. Prej afro dy vitesh, një pjesë e madhe e komunitetit të psikologëve është ngritur kundër drejtimit të Valbona Treskës. Akuzat ndaj saj përfshijnë:

punësime të padrejta e klienteliste,
shpërndarje selektive të psikologëve në institucione,
trajnime të shtrenjta që lidhen me kreditimin profesional,
mungesë transparence në menaxhimin e fondeve.
Përballë kësaj situate, psikologët kërkuan zgjedhje të reja, të cilat u zhvilluan më 5 qershor. Valbona Treska nuk garoi vetë, por mbështeti kandidaturën e Elona Mustafarajt, e cilësuar si “mikesha e saj e ngushtë”. Megjithatë, Laboviti arriti të sigurojë mbështetjen e shumicës, duke fituar besimin për të drejtuar institucionin.

Por pavarësisht kësaj, kalimi i pushtetit mbetet i bllokuar, ndërsa përplasjet ligjore dhe institucionale janë kthyer në betejë për legjitimitetin dhe drejtimin e Urdhrit të Psikologut.

 

Të fundit