Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përplasjet për burimin e Sinecit, banorët në grevë urie, letër krerëve të shtetit dhe ambasadorëve; çfarë kërkojnë nga qeveria

Politiko 3 Gusht 2021, 16:28

Përplasjet për burimin e Sinecit, banorët në grevë

Banorët e fshatit Lumas kanë nisur grevën e urisë këtë pasdite, si një mënyrë për të refuzuar ndërtimin e ujësjellësit në burimin e Sinecit.

Në kuadër të protestave dhe të paralajmërimeve të vazhdueshme, banorët janë shkruar një letër drejtuar krerëve të shtetit dhe ambasadorëve të huaj në Shqipëri.

Në letrën drejtuar autoriteteve, banorët kërkojnë pezullimin e punimeve në burimin e Sinecit duke theksuar se ndërtimet po dëmtojnë jo vetëm burimin por edhe shtratin e lumit.

“Pezullimin e punimeve të vjedhjes së 4.2 milion Euro nga shoqëria “Salillari” sh.p.k në bashkëpunim me kryetarin e Bashkisë Kucovë Kreshnik Hajdari, të kamufluar pas ndërtimit të një ujësjellësi në burimin e Sinecit, zonë e mbrojtur”, shkruhet në letër.

Njëkohësisht banorët kërkojnë shkarkimin nga detyra të drejtorit të Drejtorisë Vendore të Policisë së Beratit, Edmond Targaj, pezullimin dhe hetimin e drejtorit të Policisë së Shtetiti Ardi Veliu. Në përfundim ata kanë kërkuar një takim me kryeministrin Edi Rama për t’i dhënë zgjidhje problemit dhe për të mbrojtur Sinecin si një pasuri kombëtare.

Letra e banorëve:

Drejtuar: Kryeministrit të Republikës së Shqipërisë z.Edi Rama
• Ministrit të Brëndshëm, Z.Bledi Çuçi
• Ministrit të Turizmit dhe Mjedisit Z.Blendi klosi
• Amasadës Amerikane në Tiranë,Znj. Yuri Kim
• Bashkimit Europian, përfaqësuar nga Z.Luigi Soreca
• Presidentit të Republikës së Shqipërisë, Z.Ilir Meta

• Avokatit të Popullit Znj.Erinda Ballanca
• Shërbimit Informativ të Shtetit, Z. Elidon Bendo

• Avokatit të Popullit Znj.Erinda Ballanca
• Shërbimit Informativ të Shtetit, Z. Elidon Bendo
• Drejtuesit të Prokurorisë së Përgjithshme, Z. Olsian Çela
• Kontrolli i Lartë i Shtetit Z.Arben Shehu
• Agjencia Kombëtare e Zonave të Mbrojtura
• Administrata Rajonale e Zonave të Mbrojtura

Ne banorët e fshatit Lumas, kemi vendosur të futemi në grevë urie duke mos gjetur asnjë zgjidhje për problemin tonë në mbrojtje të burimit të ujit të Sinecit. Përpos faktit që po ndërtohet në burimin e Sinecit, e cila është zonë e mbrojtur, pasuri kombëtare duke e shkatërruar atë por edhe shtrati i Lumit të Sinecit po shkatërrohet nga subjektet private. Gjatë kësaj periudhe nga ana e punonjësve të policisë jo vetëm që nuk jemi lejuar të ushtrojmë të drejtën tonë kushtetuese për të protestuar por edhe jemi dhunuar prej tyre.
Për sa më sipër, kemi vendosur të futemi në grevë urie pa afat dhe më poshtë ju parashtrojmë kërkesat tona :

1-Shkarkimin e Drejtorit të Drejtorisë Vendore të Policisë Berat Edmond Targaj, i cili na ka dhunuar, kërcënuar dhe mohuar të drejtën kushtetuese për tu shprehur, grumbulluar, manifestuar dhe protestuar
2- Pezullimin e punimeve të vjedhjes së 4.2 milion Euro nga shoqëria “Salillari” sh.p.k në bashkëpunim me kryetarin e Bashkisë Kucovë Kreshnik Hajdari, të kamufluar pas ndërtimit të një ujësjellësi në burimin e sinëcit, zonë e mbrojtur
3-Pezullimi nga detyra dhe hetimin administrative dhe penal ndaj Drejtorit të Policisë së Shtetit Ardi Veliu, i cili përdor policinë e shtetit si polici private në mbrojtje të shkatërrimit të burimit dhe lumit të Sinecit e në mbrojtje të interesave të subjketeve private
4- Takim me Kryeministrin e Shqipërisë Edi Rama me qëllim zgjidhjen e këtij problemi në mbrojtje të burimit shtratit të lumit Sinecit si pasuri Kombëtare e monument natyre