Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Merr flakë makina pranë stacionit të trenit në Durrës

E akuzuar për përndjekje, arrestohet ish-drejtoresha e spitalit të Dibrës

Pse iu ka mërzitur kaq shumë fushata e Berishës?

Fushatë brenda shkollës, Zegjineja e Roskovecit kallëzohet në KQZ

E-TJERA

Përvjetori i vrasjes së të atit, Rudina Hajdari zbulon përse nuk iu bashkua homazheve

Politiko 12 Shtator 2024, 16:31

Përvjetori i vrasjes së të atit, Rudina Hajdari zbulon përse

Rudina Hajdari ka munguar në ceremoninë e homazheve të organizuar për të shënuar 26-vjetorin e vrasjes së babait të saj, Azem Hajdari.

Ceremonia, e zhvilluar pranë monumentit të tij në Tiranë, përfshiu përfaqësues të lartë të Partisë Demokratike, miq dhe të afërm, por Hajdari nuk ishte e pranishme.

Rudina Hajdari ka ndarë arsyen e mungesës së saj nëpërmjet një postimi në Instagram. Ajo tregon se për 25 vjet ka ndjekur të njëjtën rutinë në këtë ditë, duke vizituar memorialin dhe varrezat, dhe duke u takuar me të afërmit dhe miqtë e babait të saj, Azem Hajdari. Por këtë vit, ajo vendosi të dërgojë vajzën e saj në shkollë.

Në postimin e saj, Rudina shkruan: “Babi, për 26 vjet, kjo ditë më ka pritur gjithmonë me të njëjtën rutinë: vizita te memoriali, varrezat dhe takime me të afërmit dhe miqtë e tu. Sot, vendosa të dërgoj mbesën tënde në shkollë. Më kujtohet që ti nuk do të kesh mundësinë ta takosh Sihanën, mbesën tënde, e cila shpesh thonë se ngjan me ty. Sa shumë do të kishe dashur ta shihje, e imagjinoj. Më ka marrë shumë malli, babi. Shpresoj që të na shohësh nga lart dhe të jesh krenar për ne.”

Azem Hajdari, një nga udhëheqësit kryesorë të lëvizjes studentore të viteve ’90, u qëllua për vdekje më 12 shtator 1998, vetëm disa metra nga ndërtesa e Parlamentit. Ai luajti një rol të rëndësishëm në lëvizjen studentore të dhjetorit 1990, që çoi në rrëzimin e regjimit komunist dhe vendosjen e pluralizmit politik në Shqipëri.

 

Të fundit