Peter Lucas: Blinken po ndihmon Ramën ‘të godasë’ Berishën, sfumuan aferën “McGonigal”

Nga Peter Lucas, Boston Herald

Ishte më shumë se një rastësi.

Ndërsa Sekretari i Shtetit Antony Blinken ishte në Tiranë duke lavdëruar kryeministrin shqiptar Edi Rama javën e kaluar, një agjent i turpëruar i FBI-së me lidhje me Ramën u dënua me burg me akuza për ryshfet.

Ish-spiuni i FBI-së, Charles McGonigal, 55 vjeç, dikur kreu i zyrës së kundërzbulimit të FBI-së në Nju Jork, u dënua me dy vjet burg të premten e kaluar pasi u deklarua fajtor për marrjen e një pagese prej 225,000 dollarësh cash.

Paratë erdhën nga një ish-agjent i inteligjencës shqiptare, Agron Neza, tani shtetas amerikan, i cili mori pjesë në takimet me McGonigal dhe Ramën, si në Uashington ashtu edhe në Tiranë.

Dënimi është plus katër viteve që McGonigal mori më parë për komplot për të shkelur sanksionet ndaj Rusisë duke punuar për rusin Oleg Deripaska, të cilin dikur e hetoi.

McGonigal, i cili pranoi se kishte një lidhje të vazhdueshme me Ramën, u takua fshehurazi me Ramën dhe Nezën në disa raste.

Në një takim në Tiranë më 9 shtator 2017, për të cilin FBI nuk dinte asgjë, McGonigal diskutoi, ndër të tjera, me Ramën edhe kontratat e shpimit të fushave të naftës. Madje McGonigal i dhuroi Ramës një kapele bejsbolli të FBI-së.

Menjëherë pas kësaj, McGonigal dyshohet se ka pranuar paratë në disa pagesa nga Neza gjatë takimeve në Nju Jork. Nuk është bërë e qartë se çfarë bëri McGonigal në këmbim të parave.

Rama ka mohuar çdo keqbërje. Dhe ai nuk është vënë nën hetim, as në SHBA dhe sigurisht as në Shqipëri, të cilën ai e kontrollon.

Ajo vizitë e shtatorit ishte një nga disa udhëtime që McGonigal bëri në Shqipëri, një vend i vogël ish-komunist ku korrupsioni politik dhe pastrimi i parave nga droga janë të zakonshme.

Arrestimi i McGonigal shkaktoi një stuhi zjarri politik në Shqipëri. Megjithatë, Rama, kreu i Partisë Socialiste, ka mundur tia dale pa lagur.

Ai është ndihmuar nga Blinken, Ambasada e SHBA-së dhe Departamenti i Shtetit, të cilët të gjithë vazhdojnë ta mbështesin atë ndërsa godasin kundërshtarin kryesor politik të Ramës, ish-kryeministrin Sali Berisha të Partisë Demokratike të qendrës së djathtë.

Berisha, 79 vjeç, që kërkon një rikthim politik, kandidon kundër Ramës në vitin 2025.

Blinken është deri në fyt në politikën shqiptare, gjë që mund të rrjedhë nga sulmet e mëparshme të Berishës ndaj George Soros, një mik i familjes Blinken, i cili ka kërkuar të ndikojë në politikën shqiptare dhe sistemin e saj të drejtësisë.

Ambasadorja e Blinken në Shqipëri, Yuri Kim, u perzie në politikën shqiptare siç nuk e ka bërë kurrë asnjë zyrtar tjetër amerikan. Ajo u përpoq të nxirrte Berishën nga Partia Demokratike, të cilën ai e themeloi pas rënies së komunizmit. Duke dështuar, ajo u përpoq ta largonte atë si deputet.

Blinken më parë i bëri një favor të madh Ramës kur e ndaloi Berishën, dikur i preferuar i Departamentit të Shtetit, të hynte në SHBA.

Ai e shpalli Berishën “persona non grata” për “aktet korruptive” të paspecifikuara që dyshohet se kanë ndodhur kur Berisha ishte në pushtet tetë vjet më parë.

Së fundmi, Rama në dhjetor e vendosi Berishën në arrest shtëpie për korrupsionin e dyshuar të një marrëveshje toke 15 vjet më parë.

Berisha, kreu i parë i zgjedhur popullor i Shqipërisë pas rënies së komunizmit, shërbeu si president nga 1992-1997 dhe përsëri si kryeministër nga 2005-2013.

Ndalesa e shkurtër e Blinken në Tiranë, gjatë rrugës për në Konferencën e Sigurisë së Mynihut, shërbeu si një shpërqendrim i madh i marrëdhënieve me publikun për aferen McGonigal/Rama dhe dënimin e McGonigal. Një Rame mirënjohës e përshëndeti Blinken sikur të ishte kreu i shtetit.

Vizita simbolizonte gjithashtu miratimin e Blinken për vendimin e Ramës për të arrestuar Berishën dhe për të gjymtuar fushatën e tij. “Zyrtarët e korruptuar po mbahen përgjegjës,” u tha Blinken gazetarëve shqiptarë, duke treguar se ai kishte parasysh Berishën, jo McGonigal apo ndonjë tjetër në Shqipëri.

Ndërkohë Berisha flet çdo natë nga ballkoni i banesës së tij në Tiranë për mbështetësit që mblidhen në rrugën poshtë.

Ashtu si Joe Biden, Edi Rama me ndihmën e Blinken po sigurohet që kundërshtari i tij të bëjë fushatë nga një qeli burgu. Politika në Shqipëri është fisnore, e poshtër dhe hakmarrëse, ashtu si në Amerikë.

Berisha nuk është shenjt me siguri, por as Rama. Shenjtorja e fundit shqiptare ishte Nënë Tereza dhe ajo mori trenin e fundit për në bregdet.

Pyetja pa përgjigje është: Nga erdhi pagesa prej 225,000 dollarësh dhe për çfarë u perdor?