Flash News

Aksident në Rrugën e Arbrit, përfundojnë te Trauma dy turistë të huaj

Gjendet e vdekur turistja brenda apartamentit në Vlorë

Aksident në Levan, kamioni me enë kuzhine përfundon në kanal

Lihet në burg vëllai i Nuredin Dumanit! ‘Arrest shtëpie’ për pastruesin e parave të Çopjave

Vatër e re e murtajës së bagëtive në Zallbastar, autoritetet veterinare shpallin alarmin: 7 ferma pozitive deri tani

E-TJERA

Pioli drejt rikthimit në Serie A, kërkon Kristjan Asllanin në projektin e ri te Fiorentina

Politiko 13 Qershor 2025, 20:14

Pioli drejt rikthimit në Serie A, kërkon Kristjan Asllanin në

Mesfushori i Kombëtares shqiptare, Kristjan Asllani, është në qendër të merkatos italiane, ndërsa ndodhet në SHBA me Interin për të marrë pjesë në Botërorin e Klubeve. Emri i tij po qarkullon gjerësisht në spekulimet e merkatos, me një prapaskenë interesante që lidhet me rikthimin e Stefano Piolit në Serie A.

Mediat italiane raportojnë se Pioli, i cili pritet të marrë drejtimin e Fiorentinës pasi të mbyllë aventurën e tij në Arabinë Saudite me Al-Nasr, e ka përfshirë Asllanin në listën e dëshirave të tij për ndërtimin e skuadrës së re në Firence. Trajneri italian e vlerëson mesfushorin shqiptar për cilësitë e tij teknike dhe vizionin në lojë, duke e konsideruar një element të rëndësishëm për projektin e ri.

Fiorentina e ka ndjekur prej kohësh Asllanin, që prej kohës kur ishte pjesë e Empolit, por transferimi te Interi ia ndërpreu mundësinë atëherë. Tani, me mundësinë e largimit nga zikaltrit, pista e transferimit është rihapur fuqishëm.

Ndërkohë Interi është i gatshëm të lejojë largimin e 22-vjeçarit në kuadër të një revolucioni të pritshëm në disa reparte të skuadrës. Klubi milanez i ka vendosur një çmim prej 14 milionë eurosh kartonit të Asllanit, çka mund ta bëjë të realizueshëm kalimin e tij në Firence gjatë kësaj vere.

 

Të fundit