“Pipero nuk është superman”, Petrit Vargu për Politiko: Doza e parë nuk të jep asgjë, e dyta ka elementin vaksinues dhe 3-fishin e sasisë

Petrit Vargu, Pëllumb Pipero

Mjeku i njohur Petrit Vargu tha se pas marrjes së dozës së parë të vaksinës anti-Covid njerëzit janë vetëm rreth 50% të imunizuar. Ai tha për Politiko.al se elementi mbrojtës është te doza e dytë, e cila shtoi ai, ka 3-fishin e sasisë së dozës së parë të vaksinës.

“Në dozën e parë të vaksinës je rreth 50 % i imunizuar. Në qoftë se profesor Pipero ka menduar se bëri dozën e parë dhe është i mbrojtur është gabim teknik.

Në dozën e parë të vaksinës ka 30-40 mikrogram dozë, ndërsa në të dytën 100 mikrogram. Pra te doza e parë ka shumë pak vaksinë dhe te doza e dytë ka më tepër se 3-fishin e sasisë së dozës së parë.

Në fakt po të shohesh popullin, ata pak njerëz në Evropë që i kanë bërë të dyja dozat, efektet anësore i kanë pas dozës së dytë. Pra elementi vaksinues është te doza e dytë. Doza e parë nuk të jep asnjë gjë”, shtoi mjeku.

Ky është shpjegimi që Vargu i jep infektimit pas marrjes së dozës së parë të vaksinës, referuar këtu edhe rastit të mjekut infeksionit Pëllumb Piperos. Ky i fundit rezultoi sot me Covid-19, dy javë pasi mori dozën e parë të vaksinës.

Vargu tha se Pipero duhet të kishte treguar kujdes, pavarësisht marrjes së dozës së parë të vaksinës.

“E para profesor Pipero nuk është ‘superman’. Në qoftë se profesor Pipero ka menduar se bëri dozën e parë dhe është i mbrojtur është gabim teknik.

Në qoftë se profesor Pipero nuk i di këto gjëra dhe ka ndenjur pa u mbrojtur është një gabim i tij”, shtoi mjeku.

Ky i fundit tha se jo kushdo mund të japë deklarata lidhur me këtë sëmundje, pasi është diçka e re dhe e panjohur.

“Më çudit si disa epidemiolog që nuk kanë lidhje me klinikën japin deklarata dhe masin Pfizer-in me 94% të efektshmërisë, gjë që arrihet vetëm pas 28 ditësh pasi ke marrë dozën e dytë.

Është mirë që jo çdo njeri të flasë për këto gjëra, pasi janë gjëra që nuk i kemi bërë në shkollë, sepse kjo sëmundje është e panjohur”, u shpreh Vargu.

J.S

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm