Flash News

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

KQZ nxjerr shifrat: Sa qytetarë kanë votuar deri në 14:00, si renditen qarqet

Komisionarët e opozitës denoncojnë: Patronazhisti Ilir Ruka kapet duke orientuar votuesit në qendrën e votimit

Incident në Pogradec/ Pas konfliktit në QV, komisionerit i rrahin gruan dhe djalin në shtëpi

E-TJERA

Piu fostoksinë para SPAK, Pal Trashaj e kishte denoncuar prej vitesh mashtrimin me mikrokreditë

Politiko 3 Korrik 2024, 10:41

Piu fostoksinë para SPAK, Pal Trashaj e kishte denoncuar prej vitesh

Pal Trashaj është 63-vjeçari i cili humbi jetë pasi piu fostoksinë jashtë Prokurorisë së Posaçme. Trashaj kishte kërkuar takim fillimisht me një nga agjentët e BKH dhe më pas kërkoi takim me vetë kreun e SPAK, Altin Dumani.

Pasi piu fostoksinë, Trashaj është nisur drejt spitalit ku edhe ka ndërruar jetë.

Lidhur me ngjarjen, SPAK reagoi duke thënë Pal Trashaj, ishte paraqitur te oficeri i informacionit dhe kishte kërkuar takim me një nga hetuesit e BKH për një çështje, e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022.

Prokuroria vijon duke sqaruar se ndërkohë që oficeri i informacionit ka marrë kontakt me hetuesin e çështjes, qytetari ka dalë jashtë në oborr, duke mos ardhur për të marrë përgjigje. Vetëm pas disa orësh jashtë ambienteve të SPAK, janë parë shërbimet spitalore të urgjencës dhe aty është mësuar rreth veprimit të ndërmarrë nga Trashaj.

63-vjeçari nga Lezha kishte rënë pre e mashtrimit me mikrokreditë. Në kushtet e depresionit, Trashaj ka kërkuar ndihmë në SPAK. Ai njihej në Lezhë si historian dhe prej vitesh ka denoncuar kalvarin me kredinë e marrë që më pas ndër vite u shumëfishua deri në bllokimin e pasurisë.

Pal Trashaj kishte një kredi të mbetur që nga viti 2008, në vlerën e 76 mijë lekëve. Kredinë e Pal Trashajt e kishte blerë MCA, e cila kërkonte 4.8 milionë lekë, duke bllokuar për 5 vjet gjithçka: shtëpinë, tokën, makinën dhe pagën ku punonte.

Trashaj kërkonte që SPAK të merrte përsipër çështjen e grabitjes së pronës së tij nga përmbarues, për të cilët më herët kishte bërë një padi civile në Gjykatën e Lezhës.

Ai pretendonte se kredinë e kishte shlyer dhe se veprimet e kryera për sekuestrimin e pronës së tij ishin të paligjshme.

 

Të fundit