Flash News

Rama mori 84 mandate, ambasadori i BE: Të zbatojë reformat, nuk ka kujt t’ia hedhë fajin

Mbi një tip të ri të shtetit elektoral dhe një shteg të daljes prej regjimeve të tij

Nuk siguroi mandatin e deputetit, flet Alimehmeti: Sistemi elektoral duhet fshirë, prodhoi garë të brendshme

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

E-TJERA

Plagosja e mbrëmshme në Shkodër, arrestohen 3 persona, 3 të tjerë në kërkim

Politiko 14 Gusht 2024, 11:22

Plagosja e mbrëmshme në Shkodër, arrestohen 3 persona, 3 të

Policia e Shkodrës ka dalë me një komunikatë të dytë në lidhje me ngjarjen e ndodhur mbrëmjen e djeshme rreth orës 20:40 në fshatin Postribë, ku mbeti i plagosur me armë zjarri 43-vjeçari Çel Shabaj.

Blutë e kryeqendrës së veriut bëjnë me dije se janë tre të arrestuarit në lidhje me këtë ngjarje, teksa tre të tjerë janë shpallur në kërkim.

Njoftimi i policisë:

Më konkretisht në pranga janë vënë shtetasit Kristjan Kakija, 29 vjeç, Artan Kakija, 28 vjeç dhe Lulëzim Kakija, 24 vjeç, të afërm të njëri-tjetrit. Ndërsa në kërkim janë shpallur shtetasit Z. K., 28 vjeç, F. L., 25 vjeç dhe A. Rr.,25 vjeç.

Policia raporton se vijojnë kërkimet për kapjen e tre shtetasve të shpallur në kërkim, si dhe në drejtimin e Prokurorisë së Shkodrës, vijojnë hetimet për të individualizuar përgjegjësinë penale të secilit prej shtetasve të implikuar në këtë rast.

Materialet procedurale i kaluan Prokurorisë së Shkodrës për veprime të mëtejshme, për veprat penale “Vrasja me dashje”, mbetur në tentativë, kryer në bashkepunim dhe “Mbajtja pa leje dhe prodhimi i armëve, armëve shpërthyese dhe i municionit”.

Burime bëjnë me dije se Çel Shabaj është plagosur pas një sherri për motive banale. 43-vjeçari po dilte nga banesa e tij në Postribë, pasi po bëhej gati të shkonte në një dasmë. Në atë moment ka qenë duke ardhur nga Prekali në drejtim të Postribës autori Kristjan Kakija së bashku me dy shokë të tij.

Mësohet se kur janë përballur me njëri-tjetrin, mes tyre ka nisur një debat se kush duhej të kalonte i pari në rrugë. Sipas burimeve Kristjan Kakija pasi është larguar vetëm disa metra, është kthyer edhe njëherë dhe ka nxjerrë armën pistoletë duke plagosur 43-vjeçarin në këmbë.

Në atë moment kanë ndërhyrë pjestarë të tjerë të familjes Shabaj që ndodheshin shumë afër, pasi edhe ata po bëheshin gati për të shkuar në dasmë, duke u përfshirë në një përleshje fizike mes tyre.

Një kushëri i të plagosurit ka arritur që në ato momente t’ia heq armën nga dora autorit të dyshuar, i cili më pas është larguar nga vendi i ngjarjes.

I plagosuri u dërgua menjëherë në spitalin rajonal të Shkodrës me një autoambulancë të shërbimit kombëtar të urgjencës dhe pas dhënies së ndihmës së shpejtë nga mjekët rezulton jashtë rrezikut për jetën.

Të fundit