Flash News

Berisha pritet me entuziazëm nga qytetarët në Pogradec

Aksidentohet autobusi i ekipit të volejbollit të Korçës, tre vajza përfunojnë në spital

Funerali i Papa Françeskut bën bashkë Trump dhe Zelenskyy, ja ç'biseduan

Rikthehen reshjet e shiut, ulen temperaturat, si parashikohet moti sot

Sherr me sende të forta në një rezidencë në Lundër, dyshohet për një të plagosur

E-TJERA

Plani i ri i Britanisë për të larguar shqiptarët/ Çfarë është “lista e bardhë” dhe si do të funksionojë

Politiko 29 Nëntor 2022, 08:41

Plani i ri i Britanisë për të larguar shqiptarët/

Britania do të gjurmojë të gjithë azilkërkuesit nga vendet që konsiderohen të sigurta, përfshirë Shqipërinë, dhe do t’i largojë ata sa më shpejt. Kjo është strategjia e re që do të aplikojë MB për të frenuar emigracionin.

The Times shkruan se Sekretarja e Brendshme, Suella Braverman po kërkon të ringjallë një listë të vendeve të përcaktuara “të sigurta”, për qytetarët e të cilëve kërkesat për azil konsiderohen kryesisht si të pabaza.

Atyre që do iu refuzohet kërkesa, nuk do të kenë të drejtë të apelojnë. Gjatë këtij viti, sipas Britanisë, atje kanë shkuar ilegalisht mbi 12 mijë shqiptarë.

Autoritetet po kërkojnë të aplikojnë një metodë të ngjashme me atë të qeverisë Laburiste në fillim të viteve 2000, në të cilën ajo trajtonte kërkesat e azilkërkuesve nga vendet e ashtuquajtura “lista e bardhë” brenda dhjetë ditësh.

Emigrantët që mbërrijnë me varka të vogla që janë nga vendet në listë do të ndalohen në vendin e përpunimit të Manston në Kent, ose në qendra të tjera pritjeje, ku kërkesat e tyre për azil do të përshpejtohen.

Kërkesat për azil nga vendet në “listën e bardhë” do të supozohen si “qartësisht të pabazuara”. Ata që janë të pajisur me një certifikatë “qartësisht të pabazuar” nuk do të kenë të drejtë ankese.

“Lista e bardhë” aktuale, e cila nuk është përdorur vitet e fundit për shkak të sfidave ligjore kundër përdorimit të saj, përfshin të gjitha vendet e BE-së dhe Shqipërinë, Maqedoninë, Moldavinë, Bosnjë dhe Hercegovinën, Serbinë, Malin e Zi, Indinë, Mongolinë, Afrikën e Jugut, Koreja dhe disa vende të Amerikës së Jugut.

Një listë e dytë e “përcaktimit të pjesshëm” deklaron disa vende të sigurta për burrat, por jo gratë dhe fëmijët. Këto përfshijnë Gana, Nigeria, Gambia, Kenia, Liberia, Malavi, Mali dhe Sierra Leone.

Një tjetër opsion që kuptohet se është në shqyrtim është ndalimi i të gjithë azilkërkuesve meshkuj nga vendet në të dyja listat dhe trajtimi i kërkesave të tyre si “qartësisht të pabaza”, por lejimi i kërkesave nga gratë dhe fëmijët nga ato vende të përparojnë si normale.

Të fundit