Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Plotësimi i vakancës në Kushtetuese, KED u ndalon kandidimin 4 gjyqtarëve

Politiko 20 Janar 2025, 20:36

Plotësimi i vakancës në Kushtetuese, KED u ndalon kandidimin 4

Këshilli i Emërimeve në Drejtësi vendosi në mbledhjen e sotme ndalimin e kandidimit të 4 kandidatëve për gjyqtar në Gjykatën Kushtetuese, për vendin vakant për shkak të dorëheqjes së gjyqtares Elsa Toska. Kandidatët janë Eris Hysi, Sinan Tafaj, Klodian Rado, Gentian Zyberi.

KED në rendin e ditës kishte parashikuar prezantimin nga ana e relatorit e ecurisë së procesit të verifikimit të disa kandidatëve të cilët kanë konkurruar për t’u zgjedhur anëtar të Gjykatës Kushtetuese në vendin vakant të shpallur nga Kuvendi i Shqipërisë. Relatorja e kësaj vakance e zgjedhur me shortin elektronik të prezantoi përpara anëtarëve të KED, disa nga gjetjet në lidhje me kandidatët që kanë aplikuar për vendin vakant.

Këshilli i Emërimeve në Drejtësi, pasi shqyrtoi aktet dhe procedurën e ndjekur për verifikimin e këtyre kandidaturave si edhe dokumentacionin e përgatitur nga relatori lidhur me plotësimin e kushteve ligjore për kandidim, për kandidatët e përcaktuar në rendin e ditës, pasi dëgjoi edhe mendimin e Avokatit të Popullit, lidhur me procedurën e ndjekur në verifikimin e këtyre kandidaturave, vendosi ndalimin e kandidimit.

Vendimet e plota dhe të zbardhura do të publikohen të arsyetuara në faqen elektronike të Gjykatës së Lartë, në pjesën e caktuar për Këshillin e Emërimeve në Drejtësi. Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta, ligji dhe aktet nënligjore.

KED është duke vijuar me procedurat e komunikimit të vendimeve, për të cilat mund të ketë edhe ankime nga ana e kandidatëve. Këshilli i Emërimeve në Drejtësi, në zbatim të Kushtetutës dhe ligjit, fton institucionet publike që kanë lidhje me sistemin e drejtësisë, organizatat e shoqërisë civile me veprimtari në mbrojtjen e të drejtave të njeriut ose të krijuara për mbrojtjen e interesave të përdoruesve të sistemit të drejtësisë, të paraqesin opinionet e tyre në lidhje me kandidaturat pranë KED./Ata/

Të fundit