Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“PO për Shqipërinë” nis më 10 janar, Dash Shehi prezanton objektivat e platformës së re

Politiko 22 Dhjetor 2021, 12:36

“PO për Shqipërinë” nis më 10 janar, Dash Shehi

Kreu i LZHK-së, Dashamir Shehi, ka prezantuar pak më parë platformën e tij të re politiko-kulturore “PO për Shqipërinë”. Shehi tha se zbatimi i platformës do të nisë më 10 janar, me ligjin për referendumet pasi kjo sipas Shehit, e atakon direkt politikën shqiptare.

Ndër të tjera, ai shtoi se arsyeja e emrin “PO”, lidhet me faktin se politika i ka thënë gjithmonë ‘jo’ Shqipërisë, dhe tani ka ardhur koha që t’i jepet një shans. Shehi tha se platforma e re është e hapur si për politikën edhe për shoqërinë civile.

“Një prezantim të vogël. Ka ardhur dita të reflektojmë për mundësitë e reja. Opozita shqiptare ka humbur një betejë më 25 prill. Ky është produkt i gjeneratës së re shqiptare. Unë jam këtu si garant politik, i ndershmërisë së kësaj pune. Ne kemi nevojë të vazhdueshme për mjete demokratike. Distanca mes qytetarëve dhe qytetarëve është rritur vitet e fundit. Askush nuk ka mundësi të kontrollojë votën e vet ku po shkon. Do japim një mundësi edhe për votime brenda platformës. Qoftë për idetë e reja, apo për ligjet që do të diskutohen. Do e fillojmë me datë 10 Janar me ligjin për referendumet sepse e atakon direkt politikën shqiptare. Kjo është e para. E dyta kjo formë referendare është demokracia më direkte dhe më e afërt. Do ta fillojmë me datë 10 Janar. “Po” ja kemi vënë sepse duam të prodhojmë një ide alternative për politikën. Gjithmonë kemi thënë jo. Tani është koha për një shans për Shqipërinë që t’i thotë po një ekonomie të ndershme. Duam ta ndërtojmë imazhin e ri me një formë pozitive. Logon e kemi zgjedhur me dy rrathë se është politika me shoqërinë shqiptare. Nuk mund të jetojë vetëm politika si në një ishull. Platforma “PO” është e hapur për politikën dhe pjesën civile për tema që dominojnë sot në Shqipëri”, tha Shehi.

Shehi e konsideroi si një armë për çarjen e rrethimit të opozitës shqiptare, teksa theksoi se themeluesit e platformës janë 5, ndërsa pas tyre qëndrojnë profesorë dhe shkencëtarë që po i afrohen.

“Armë e re e opozitës shqiptare për të çarë rrethimin ku kemi rënë vitet e fundit. Filozofia është kjo, të rindërtojmë një marrëdhënie të re me publikun. Unë shpresoj se do ta ndjekin me mijëra njerëz për të bashkëpunuar. Ne si themelues jemi 5 veta por janë me mijëra profesorë dhe shkencëtarë që po i afrohen. Kjo do të dalë në mënyrë elektronike. Për të dhënë garanci maksimale sepse një pjesë e madhe e themeluesve jetojnë jashtë vendit, do e regjistrojmë ligjërisht edhe në disa shtete të huaja për t’iu nënshtruar edhe disa ligjeve që janë puro europiane”, deklaroi ai.