Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Po rriten rastet e pastrimit të parave", Dumani: Po përgjojmë për të kapur të korruptuarit

Politiko 3 Korrik 2023, 12:14

"Po rriten rastet e pastrimit të parave", Dumani: Po

Kreu i Prokurorisë së Posaçme, Altin Dumani ka raportuar sot në Kuvend për punën e SPAK gjatë kësaj periudhe.

Dumani tha se SPAK po përdor edhe metoda proaktive të hetimit, si përgjimet për të evidentuar  veprat penale të korrupsionit.

Ndërkohë Dumani tha se rastet e pastrimit të parave janë gjithnjë në rritje.

“Ka një rritje të regjistrimit të procedimeve penale kryesisht dhe më konkretisht janë regjistruar 28 procedime penale me 34 persona nën hetim, krahasuar kjo me vitin 2021 në të cilin janë regjistruar 18 procedime penale me 9 persona në hetim. Ka një rritje gjithashtu nga viti 2021 të përdorimit të hetimeve proaktive në 122 procedime penale ku janë interceptuar 2177 pajisje fundore.

Pjesën më të madhe të procedimeve penale ku është kërkuar përgjimi e kryesojnë çështjet e hetuara për veprën penale të korrupsionit me 69 procedime penale ku janë interceptuar 10,023 pajisje fundore. Ndërkohë për çështjet penale të hetuara në kuadër të grupit të strukturuar kriminal janë përdorur metoda të posaçme hetimore në 53 procedime penale dhe janë interceptuar 1154 pajisje fundore.

Kur bëhet fjalë për metoda speciale të hetimit vlen të theksohet se janë përdorur simulimi i aktit korruptiv, dorëzimi i kontrolluar apo dhe agjenti i infiltruar”,tha Dumani. 

Të fundit