Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Polemikat për Reformën Zgjedhore, Afrim Krasniqi: Shans i mirë që palët të gjejnë mjete konsensuale, siç kërkuan BE dhe OSBE

Politiko 26 Tetor 2020, 18:41

Polemikat për Reformën Zgjedhore, Afrim Krasniqi: Shans i mirë

Analistë të jetës politike në vend po ndjekin me shqetësim këto zhvillime dhe mbajnë shpresa të vakëta se mund të gjendet mirëkuptimi. Drejtuesi i Institutit të Studimeve Politike, Afrim Krasniqi, thotë për VOA se kthimi në parlament për ridiskutim i Kodit Zgjedhor nga Presidenti Meta është një shans i mirë që palët politike të gjejnë mjete dhe rrugë të përbashkëta për të arritur një reformë sa më konsensuale, si e kërkuan BE dhe OSBE-ja.

“Maxhoranca shqiptare vuan nga sëmundja e njëjtë e gjithë maxhorancave në fund të mandatit të dytë: nevoja për të ruajtur patjetër pushtetin dhe për të fituar sa më shumë privilegje elektorale në garën e ardhshme zgjedhore përmes ligjeve dhe mjeteve të tjera që ofron pushteti. Maxhoranca aktuale ka një ndjenjë të dukshme arrogance ndaj faktorit ndërkombëtar, ndaj kritikave të brendshme, ndaj institucioneve, duke e shtyrë vendin gati gati drejt një përplasjeje të re politike” - thotë Krasniqi.

Analisti shtoi se shoqëria shqiptare ka nevojë të dëgjojë dialog dhe debat mbi zhvillimin e ardhshëm të Shqipërisë, dhe jo për akuza reciproke, denigrime dhe kërcënime personash,

Nëse vazhdohet kështu, shtoi ai, zgjedhjet e ardhshme do të jenë sërish një shans i humbur për shkak të pamundësisë së klasës politike për t’u maturuar dhe për të mësuar nga gabimet e të kaluarës.

Krasniqi thotë se institucionet kryesore të Shqipërisë po humbin integritetin dhe rolin e tyre ligjor në këtë betejë parazgjedhore, duke rënë peng i axhendave personale të drejtuesve të tyre.

“Në këto rrethana nuk pritet që parlamenti të reflektojë, për sa kohë që brenda maxhorancës nuk ka asnjë zë kundër. Gjithë deputetët dhe figurat liberale politike në kët parti janë duke u munduar të siguruar mandat të ri parlamentar në një garë të brendshme. Për sa kohë nuk ka një debat publik dhe një reflektim në lidhje me kriteret e përcaktuara nga Bundestagu dhe nga bashkimi Europian në raport me Shqipërinë, në këto kushte pritet që jeta politike në Shqipëri të agravohet dhe ne të shkojmë në fushatën e ardhshme zgjedhore në një klimë krejt tjetër nga ajo që ka nevojë vërtet Shqipëria” - tha zoti Krasniqi.

Parlamenti me shumicë socialiste, i bojkotuar nga opozita, votoi në fund të korrikut ndryshime të Kodit Zgjedhor, që kërkojnë koalicione të bashkuara në një listë kandidatësh dhe lista pjesërisht të hapura.

Këto ndryshime nuk u dakordësuan në Këshillin Politik, një tryezë ku shumica dhe opozita ishin ulur për të përgatitur reformën zgjedhore me mirëkuptim. Prishja e saj i dha një shtytje të mëtejshme krizës politike në Shqipëri.