Flash News

Plagosja e dyfishtë në Sarandë, gjendet një armë zjarri e futur në çantë

Vllaznia kualifikohet në turin e dytë të Conference League, përmbys 2-4 Daugavpils

Aksidenti me 4 të plagosur në Librazhd-Qafë Thanë, 15-vjeçari niset me urgjencë drejt Traumës

Aksident në aksin Librazhd-Qafë Thanë, plagosen 4 anëtarë të një familjeje

Plagosja e dyfishtë në Sarandë, në kërkim vëllezërit e dyshuar si autorë, njëri i dënuar për vrasje

E-TJERA

Policët francezë hyjnë në det me thika, çajnë gomonen me emigrantë të paligjshëm drejt Anglisë

Politiko 5 Korrik 2025, 09:02

Policët francezë hyjnë në det me thika, çajnë

Dhjetëra migrantë që përpiqeshin të kalonin Kanalin Anglez drejt Mbretërisë së Bashkuar me ndihmën e kontrabandistëve u ndaluan nga policia franceze në një plazh në jug të Bulonjës në Francë.

Sipas mediave të huaja, kontrabandistët po përdornin varka të fryra për të mbledhur njerëz nga pjesë të ndryshme të bregdetit.

Dy grupe të mëdha migrantësh, shumë prej të cilëve mbanin veshur jelekë shpëtimi, dolën nga dunat aty pranë dhe vrapuan drejt detit për t’u ngjitur në anije.

Në total, vlerësohet se kishte rreth 80 deri në 100 persona në plazh. Varka e parë e kontrabandistëve, e cila kaloi rreth 100 metra larg bregut, ishte tashmë plot dhe nuk u ndal për të marrë më shumë njerëz. Një varkë e dytë mbërriti pak më vonë, pothuajse bosh, e ndjekur nga një varkë e rojes bregdetare franceze, e cila ishte më larg në det.

Emigrantët, të kapur për dore, u drejtuan drejt varkës nën drejtimin e një burri që koordinonte operacionin. Ndërsa varka u kthye mbrapsht pranë bregut, dhjetëra njerëz ranë në ujë, duke u përpjekur të hipnin në bord. Në fillim, policia refuzoi të ndërhynte dhe qëndroi në breg, duke vëzhguar.

Një oficer theksoi për BBC se atyre u ndalohet të hyjnë në ujë nëse nuk do të shpëtojnë njerëz . Por situata doli jashtë kontrollit kur varka, plot me burra, gra dhe fëmijë, u lëkund në mënyrë të rrezikshme dhe motori u prish.

Njëri nga oficerët u tha kolegëve të tij të hynin në ujë, pasi ata që ishin në varkë ishin tani në rrezik. Ata nxorën pajisjet e tyre të rënda dhe përdorën thika për ta copëtuar varkën, ndërsa kontrabandistët u përpoqën ta ndiznin motorin. Mes britmave proteste, pasagjerët arritën në breg pa lëndime.

Pak më vonë, oficerët e nxorën varkën e mbytur në breg. Emigrantët mblodhën atë që kishin lënë pas në plazh dhe filluan të lëviznin në brendësi të vendit, për t’u kthyer në mjediset më në veri.

Autoritetet franceze theksuan se rregullat mbeten të njëjta dhe se taktikat e tyre kundër përpjekjeve të kalimit të paligjshëm nuk kanë ndryshuar, pavarësisht presionit nga Britania për masa më të rrepta.

Zëdhënësi i Kryeministrit Britanik e quajti ngjarjen e sotme një “moment të rëndësishëm” dhe tha se qeveria britanike e mirëpriti veprimin e policëve për të ndërhyrë.