Flash News

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

E-TJERA

Policia aksion në një lokal tek ‘Komuna e Parisit’, arrestohen tre pronarët, e pësojnë dhe klientët

Politiko 25 Mars 2023, 10:36

Policia aksion në një lokal tek ‘Komuna e Parisit’,

Policia e Tiranës ka “mbërthyer” një lokal në Tiranë, tek zona e Komunës së Parisit në bazë të operacionit të koduar “Poker 2”. Blutë kanë arrestuar tre djem të rinj që kishin përshtatur lokalin, për organizimin e veprimtarive të paligjshme të lojërave të fatit.

Ndërkohë që janë proceduar penalisht 7 shtetas të tjerë që u kapën duke luajtur poker, në lokal.

Policia ka sekuestruar 2 tavolina pokeri dhe çipsa, 3 njësi kompjuterike dhe shuma parash të përftituara nga kjo veprimtari e paligjshme.

“Në kuadër të këtij operacioni u arrestuan shtetasit: A. Ç., 32 vjeç, Xh. M., 28 vjeç, dhe E. D., 28 vjeç, administratorë të një lokali, të tre banues në Tiranë.

Gjithashtu, nisi procedimi në gjendje të lirë për shtetasit: K. N., 21 vjeç, K. K., 25 vjeç, A. O., 25 vjeç, A. K., 41 vjeç, Q. Sh., 27 vjeç, A. Ç., 27 vjeç, dhe I. D., 44 vjeç, klientë në lokal.

Gjatë kontrollit të ushtruar në lokalin në administrim nga të arrestuarit, në Komunën e Parisit, shërbimet e Policisë kanë kapur në flagrancë duke luajtur poker me çipsa, shtetasit e lartpërmendur.

Në cilësinë e provës materiale u sekuestruan 2 tavolina pokeri dhe çipsa, 50 000 lekë të rinj, 700 euro, 300 paund, 200 franga, si dhe 3 njësi kompjuterike”, njofton policia.

Materialet i kaluan Prokurorisë, për veprime të mëtejshme.

Të fundit