Flash News

Atentati me 4 të plagosur në Lundër, gjenden sende të autorëve në vendngjarje

Grabitja e pronave në Gjipe, Berisha paralajmëron Ramën: Nuk do e gëzosh tokën, është e banorëve dhe e manastirit

Berisha prezanton kandidatët në Himarë: Paprekshmëria e pronës, pajisja me dokumente, përparësi absolute

Policia pranon dhunën ndaj të miturit në Komisariatin e Tiranës, nis hetim disiplinor ndaj 3 inspektorëve

Kërkoi heqjen e sekuestros për celularin, GJKKO rrëzon kërkesën e Veliajt

E-TJERA

Policia pranon dhunën ndaj të miturit në Komisariatin e Tiranës, nis hetim disiplinor ndaj 3 inspektorëve

Politiko 24 Prill 2025, 10:54

Policia pranon dhunën ndaj të miturit në Komisariatin e

Policia e Shtetit ka pranuar dhunën që është ushtruar në Komisariatin nr. 1 të Tiranës ndaj një të mituri.

14-vjeçari u shoqërua në ambientet e komisariatit pasi ishte denoncuar nga fqinjët se me hedhjen e lëndëve piroteknike, sillte shqetësim në zonë. Ishin prindërit e tij që denoncuan dhunën dhe më pas erdhi dhe reagimi nga Komiteti Shqiptar i Helsinkit.

Policia ka nisur hetim disiplinor ndaj 3 inspektorëve.

“Me datë 12.04.2025, shërbimet e Komisariatit të Policisë Nr. 1 kanë shoqëruar në ambientet e këtij komisariati, 14-vjeçarin që pretendon se është dhunuar, mbi dyshime se kishte hedhur lëndë piroteknike, në zonën e Liqenit Artificial, veprim i cili ishte njoftuar nga banorët e zonës, pasi ishte shkaktuar panik dhe shqetësim te ta. Për këtë shtetas Policia referoi materialet në Prokurori, ku u vendos procedimi i tij në gjendje të lirë, për veprën penale “Prishja e qetësisë publike”. Për këtë rast është dhënë njoftim në përmbledhjen ditore të qarkut Tiranë, më datë 13.04.2025.

Në bazë të pretendimeve të prindërve të të miturit, se ai është dhunuar gjatë qëndrimit në ambientet e Komisariatit, me urdhër të Drejtorit të Drejtorisë Vendore të Policisë Tiranë, me datë 13.04.2025, ka nisur ecuri disiplinore, për shkelje të rëndë, për:

-Inspektor D. M., oficer i Patrullës së Përgjithshme të Komisariatit të Policisë Nr. 1;

-Inspektor R. D., oficer i Patrullës së Përgjithshme të Komisariatit të Policisë Nr. 1;

-Nënkomisare Xh. B., specialiste e Seksionit të Patrullës së Përgjithshme dhe Rendit të Komisariatit të Policisë Nr. 1.

Gjithashtu, Agjencia e Mbikëqyrjes Policore, me datë 15.04.2025,ka referuar materialet në Prokurori, me qëllim hetimin penal të 3 punonjësve të Policisë, për veprat “Kryerja e veprimeve arbitrare” dhe “Dëmtime të tjera me dashje”.

Ndërkohë, Drejtoria e Standarteve Profesionale, me urdhër të Drejtorit të Përgjithshëm të Policisë së Shtetit, ka nisur menjëherë një hetim administrativ, për të verifikuar nëse 3 punonjësit e Policisë kanë shkelur kompetencat dhe detyrimet që iu caktojnë rregullorja e Policisë së Shtetit dhe procedura standarde e punës.

Theksojmë se strukturat e Policisë së Shtetit dhe ato të Policisë së Tiranë janë maksimalisht të angazhuara për të dokumentuar me prova ligjore rrethanat e këtij rasti dhe për të reaguar shpejt, me paanësi dhe konform ligjit, për nxjerrjen përpara përgjegjësisë penale, të përgjegjësve”, njofton policia.