Flash News

U ekstradua nga Spanja, mbërrin në Rinas Lulzim Berisha

Tiranë/ Gjendet 'shtëpi bari' në Laknas, arrestohet punonjësi i OSHEE

A do të mbyllet lufta? Trump ngre shpresat me një armëpushim të plotë

Sonte pritet të ekstradohet në Tiranë ish-kreu i bandës së Durrësit, Lulzim Berisha

Lufta në Ukrainë/ Përfundon telefonata Trump-Putin, zgjati rreth 90 minuta

E-TJERA

Politika fiskale, qeveria synon “dorë të shtrënguar”

Politiko 12 Shkurt 2025, 13:00

Qeveria nuk pret që në afat të mesëm të ketë një politike fiskale stimuluese duke e argumentuar këtë me vijimin e konsolidimit edhe gjatë viteve 2026-2028. Në dokumentin e kuadrit fiskal të këtyre viteve thuhet se ndryshe nga vitet 2020-2021 kur tërmeti dhe pandemia e bënë të nevojshme një politike fiskale më stimuluese tashmë rruga drejt së cilës do të ecet është e kundërt.

“Konsolidimi fiskal do të vijojë të jetë objektivi themelor i politikës fiskale për periudhën afatmesme 2026–2028, në funksion të drejtpërdrejtë të sigurimit të stabilitetit makroekonomik të vendit, si një premisë thelbësore për sigurimin e një rritjeje ekonomike të qëndrueshme e gjithëpërfshirëse. Me synimin për të ruajtur të pacenuar kredibilitetin e financave publike në perceptimin e tregjeve, politika fiskale do të targetojë një trajektore rënëse të përvitshme të borxhit publik, ndërsa balanca primare do të jetë së paku neutrale ose në nivel pozitiv në vijimësi, duke përbërë objektivin kryesor operacional që do të ankorojë politikën fiskale në afatin e mesëm dhe të gjatë, në përputhje edhe me rregullat fiskale respektive në LOB(ligji organik i buxhetit)” thuhet në dokument.

Qeveria nënvizon se rritja ekonomike pritet të ketë në bazë disa sektorë si industria, shërbimet, ndërtimi teksa bujqësia është ajo që shihet me ecurinë më modeste.

Po kështu investimet publike të cilat pritet të qëndrojnë mesatarisht mbi 5 për qind të GDP-së do kenë kontributin e tyre në këtë rritje ashtu si edhe konsumi i brendshëm.

“Megjithëse politika fiskale do të vazhdojë të jetë e orientuar drejt konsolidimit në periudhën afatmesme dhe afatgjatë, objektivi tjetër i kësaj politike fiskale për të ruajtur një nivel relativisht të lartë të investimeve publike në mbi 5 për qind të PBB-së në vitet 2026–2028, do të stimulojë formimin e kapitalit fiks bruto në ekonomi, esenciale kjo për të mbështetur nivele relativisht të larta e të qëndrueshme të rritjes ekonomike në periudhën afatmesme dhe afatgjatë” thuhet në Kuadrin Makroekonomik.

Dokumenti nënvizon se bazuar mbi parashikimet e treguesve kryesorë makroekonomikë, reformave dhe ndryshimeve fiskale (tatimore) të ndërmarra dhe veçanërisht ato të pritshme për t’u ndërmarrë në vijim, si dhe të faktorëve të tjerë përcaktues në ecurinë e zërave të ndryshëm të të ardhurave të buxhetit të shtetit, të ardhurat totale të buxhetit për tre vitet në vijim (2026–2028) parashikohet të rriten mesatarisht me rreth 5.3për qind në çdo vit.

Burimet totale të qeverisë për t’u shpenzuar gjatë viteve 2026–2028 pritet të jenë mesatarisht në rreth 885.8 miliardë lekë në çdo vit ose mesatarisht rreth 30.6 për qind e PBB-së. Investimet publike janë programuar të mbahen në një nivel mesatarisht prej rreth 5.9 për qind të PBB-së në çdo vit (vetëm nga qeveria qendrore, pa përfshirë ato nga qeveria lokale)./ Monitor