Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Politikani shkon derë më derë vetëm për kodoshllëqe politike", Manjani: Çfarë duhet të ndalohet me ligj

Politiko 25 Maj 2021, 10:11

"Politikani shkon derë më derë vetëm për

"Politika është një e mirë publike ndaj duhet zhvilluar në agora, sheshin publik" Kështu shprehet ish-ministri i Drejtësisë, Ylli Manjani, teksa tregon dhe se çfarë duhet të ndalojë ligji.

Sipas tij, duhet të ndalohet me ligj:

- Çdo politikan, kandidat apo partiak që të shkojë në mjedise private për të lypur vota.
- Vendosjen e partive politike në godina private.
- Përfshirjen e partive në jetën private të njerëzve.

Në një postim në rrjetet sociale Manjani shkruan se mjedisi publik është vendi i shpalosjes së ideve, ndërsa sipas tij, në njedisin privat ka vetëm dallavere, shitje e blerje. Ai shton më tej se duhet një ligj i rreptë që politika të bëhet ekskluzivisht në mjedis publik.

Postimi i plotë:

Për mendimin tim ligji duhet të ndalojë:
1. Cdo politikan, kandidat apo partiak që të shkojë në mjedise private për të lypur vota.
2. Vendosjen e partive politike në godina private.
3. Përfshirjen e partive në jetën private të njerëzve.
****
Politika është një e mirë publike ndaj duhet zhvilluar në agora, sheshin publik.
Në kohët e sotme në hapësirat publike fizike, elektronike e mediatike.
Aty shpalosen idetë e pikpamjet dhe idetë.
Politikani derë më derë shkon vetëm për kodoshllëqe politike, jo për politikë. Mjedisi publik është vendi i shpalosjes së ideve. Në njedisin privat ka vetëm dallavere, shitje e blerje.
Partia në mjedise private është pronë private, jo aset publik.
Le pastaj ndërhyrja e partive në jetën private, të dhënat apo telefoninë private. Kriminale fare.
Në ka gjë që ne kemi nevojë ta ndajmë njëherë e mirë kjo është ndarja e publikes nga privatja. Kemi nevojë që politika të jetë e mirë publike, jo vetëm e mirë private e atyre që e bëjnë.
Njerizit duhet të jenë të lirë të arsyetojnë e të vendosin. Kjo liri nuk garantohet nëse politikani apo "ustai i votave" të vijnë në shtëpi, në telefon apo në vendin ku punon për të të intimiduar.
Çdokush duhet të jetë mjaftueshmërisht i lirë të formojë një opinion nga informacioni që merr në sheshin publik të ideve, jo nga trokitja e derës apo zilja e celularit.
*****
Arsyetimi se kështu apo ashtu e ka edhe bota, nuk pi ujë fare. Sepse ajo botë ku referohemi e ka të ndarë publiken nga privatja. Neve jo.
Ndaj duhet një ligj i rreptë që politika të bëhet ekskluzivisht në mjedis publik.
Politikani gjendet në mjedis privat vetëm në shtëpinë e tij ose në një mjedis familjar apo shoqëror në kohën e tij/saj jo politike.