Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Postoi video duke qëlluar me kallashnikov në dasmën e kushëririt, shpallet në kërkim 21-vjeçari nga Kurbini

Politiko 23 Gusht 2021, 08:48

Postoi video duke qëlluar me kallashnikov në dasmën e

Policia e Kurbinit ka identifikuar dhe më pas e ka shpallur në kërkim një të ri i cili shfaqej në një video të postuar në rrjetet sociale duke qëlluar me kallashnikov në ajër nga automjeti në ecje, gjatë dasmës së kushëririt të tij.

Sipas policisë është shpallur në kërkim Klajdi Tafaj nga Kurbini pasi ka qëlluar me armë zjarri nga automjeti, në ceremoninë e dasmës së kushëririt të tij, në aksin rrugor Laç-Mamurras më datën 15.08.2021 dhe pas disa ditësh e ka postuar videon në rrjetet sociale.

“Gjithashtu, procedohet penalisht dhe kushëriri i tij, për veprën penale "Moskallëzimi i krimit".

Gjendet dhe sekuestrohet në cilësinë e provës materiale dhe arma e zjarrit automatik me të cilën dyshohet të jetë qëlluar.

Në lidhje me një video të publikuar në rrjetet sociale dhe në disa media, ku shfaqej një shtetas duke qëlluar me armë zjarri nga një automjet në ecje, në aksin rrugor Laç-Mamurras, shërbimet e Policisë Kurbin, në bashkëpunim me DVP Lezhë, falë veprime të shpejta hetimore kanë bërë të mundur identifikimin dhe shpalljen në kërkim të autorit të dyshuar, shtetasit Klajdi Tafaj, 21 vjeç, banues në fshatin Gjormë, Kurbin.

Nga veprimet hetimore rezultoi së shtetasi Klajdi Tafaj ka qëlluar me armë zjarri nga automjeti, në ceremoninë e dasmës së kushëririt të tij, shtetasit M. T., më datën 15.08.2021 dhe pas disa ditësh e ka postuar videon në rrjetet sociale.

Gjithashtu, është proceduar penalisht shtetasi M. T., 30 vjeç, banues në Fushë Gjormë, Kurbin, kushëriri i autorit të dyshuar, për veprën penale "Moskallëzimi i krimit".

Shërbimet e Policisë, gjatë kontrollit të ushtruar në banesën e shtetasit Klajdi Tafaj, kanë gjetur dhe sekuestruar armën e zjarrit kallashnikov me krehër me fishekë, me të cilën dyshohet të jetë qëlluar.

Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprat penale "Mbajtja pa leje e armëve të zjarrit dhe municionit luftarak", "Prishja e rendit dhe qetësisë publike" dhe "Moskallëzimi i krimit"”, njofton policia.

Të fundit