Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Pranga ish-gjeneralit në Itali, Fabrizio Lisi përfitoi 30 mijë ha tokë në Vlorë nga një trafikant shqiptar

Politiko 9 Shkurt 2022, 15:10

Pranga ish-gjeneralit në Itali, Fabrizio Lisi përfitoi 30 mijë ha

Në foto/ Ish-gjenerali i Guardia di Finanzia, Fabrizio Lisi

Pesë persona kanë përfunduar në pranga pas hetimeve në kuadër të korrupsionit nga prokuroria e Napolit. Mes tyre është edhe ish-gjenerali i Guardia di Finanzia, Fabrizio Lisi, të cilit iu caktua masa e sigurisë “Arrest shtëpie”.

Emri i ish-gjeneralit nuk është i panjohur për Shqipërinë. Një kronikë e televizionit italian “TeleGiornale 3” e realizuar dy vite më parë kushtuar një udhëtimi në vendin tonë, zbardhi një dokument që lidheshin me ish-gjeneralin Lisa dhe një shtetas shqiptar nga Vlora, i quajtur Artur Shehu.

Shehu i ka dhuruar fondacionit të ish-gjeneralit italian 30 mijë ha tokë në bregdetin e Vlorës. Në fakt, Artur Shehu është një emër i lakuar nga drejtësia italiane, i njohur “si një tregtar famëkeq droge i lidhur me mafien Sacra Corona Unita, i kërkuar për vrasje në Shqipëri.

“Ky dokument është një dhuratë e pronës prej 30 mijë hektarësh në një nga vendet më të bukura në bregdetin e Vlorës, një vend shumë i mrekullueshëm me turizëm në rritje. Përfituesi i kësaj dhurate është një fondacion i krijuar për të mbështetur shkëmbimet kulturore midis Shqipërisë dhe Italisë, i quajtur pas vëllezërve Luca.M.Eftimiadhi dhe Marco M.Eftimiadhi, të cilët janë larguar sot nga Shqipëria dhe janë shtetas italianë. President i këtij Fondacioni është Gjenerali i Guardia Di Finanza i cili së fundmi doli në pension”, thuhet në kronikë.

Sipas prokurorit italian të Antimafias në Leçe, Shehu “është një person i hetuar nga Prokuroria e Leçes në vitin 2012 për lidhje me italianin, Prodentino Albino, një tregtar famëkeq droge me të cilin kishte lidhje për të riinvestuar para edhe të Sacra Corona Unita në territorin shqiptar”.

Një tjetër emër i lidhur me donacionin e 30 mijë ha kundrejt ish-gjeneralit të Guardia di Finanzia, është edhe Pëllumb Petritaj, një biznesmen i proceduar disa herë për çështjen e tjetërsimit të tokave në Vlorë. Sipas dokumentit që sjell TG3, “Pëllumb Petritaj firmosi për Shehun aktin e dhurimit të tokës në plazhin e Vlorës dhe u arrestua pas disa hetimeve mediatike për mashtrim me tokën në 2018”.

I pyetur nga gazetari që përgatiti kronikën, se “Si ka mundësi që në dokumentin e pasurisë së dhuratës ka dy emra famëkeq të botës së krimit”, ish-gjenerali u shpreh se asokohe Petritaj dhe Shehu nuk ishin të tillë. Noteri e ka verifikuar aktin e kryerjes dhe nuk është kryer asgjë e kundërligjshme në atë territor. Dhe nëse ka gjëra të paqarta ne jemi pala e dëmtuar”, mësohet të jetë shprehur Lisi gjatë bisedës telefonike me gazetarin.