Flash News

E-TJERA

Presidenti i Austrisë vizitë në Tiranë: Mbështesim Shqipërinë në rrugëtimin drejt BE-së

Presidenti i Austrisë vizitë në Tiranë: Mbështesim

Presidenti i Austrisë, Alexander Van der Bellen, po zhvillon këtë të hënë një vizitë zyrtare në Tiranë.

Pas pritjes me ceremoni shtetërore nga ana e presidentit Bajram Begaj, dy krerët e shtetit mbajtën një konferencë të përbashkët për shtyp.

Në fjalën e tij, presidenti Van der Bellen shprehu mbështetjen e Austrisë për Tiranën zyrtare në procesin e integrimit drejt BE-së.

 “Jam i lumtur që ftesës për të ardhur në Shqipëri i janë përgjigjur 20 biznese nga Austria që të prezantojnë ekspertizën e tyre në interes të përbashkët. Austria njihet si inkurajues i madh për anëtarësimin e Shqipërisë dhe vendet e tjera të Ballkanit Perëndimor. Begajn e përgëzova dhe për procesin screening me BE dhe shpresojmë që të hidhen sa më shpejt hapa të mëtejshëm. Sipas metodologjisë së re të zgjerimit, fokusi është te çështjet esenciale si shteti i së drejtës, drejtësia e pavarur dhe duam të inkurajojmë Shqipërinë për të zhvilluar reformat e duhura.

Jemi shumë të lumtur që Shqipëria do të ketë kryesinë e Procesit të Berlinit këtë vit. Ne i urojmë palëve negociuese për një zgjidhje sa më të shpejtë të normalizimit të marrëdhënieve Kosovë-Serbi”, tha Presidenti i Austrisë.

Të fundit