Presidenti i ri i SHBA, Meta uron Joe Biden: Të bindur se marrëdhëniet tona do të vazhdojnë të zhvillohen më tej

Presidenti Ilir Meta ka përcjell një urim për Joe Biden, pas betimit si president i 46-të të SHBA.

Në mesazhin e tij, presidenti shqiptar shkruan në emër të popullit shqiptar se është i bindur se marrëdhëniet mes dy vendeve do të vazhdojnë të zhvillohen më tej.

 “Urimet më të sinqerta, të miat dhe të popullit shqiptar, për Presidentin e Shteteve të Bashkuara të Amerikës, Sh.T.Z. Joe Biden dhe Zëvendëspresidenten, Sh.S.Znj. Kamila Harris.

Jemi të bindur se marrëdhëniet tona do të vazhdojnë të zhvillohen më tej, ndërsa së bashku forcojmë bashkëpunimin transatlantik dhe në NATO.

Shqipëria do vijojë të mbështetet në partneritetin strategjik me SHBA, si garanci jetike për paqen dhe stabilitetin në rajonin tonë dhe në çështje të rëndësishme globale”, shkruan Meta.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm