Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Presidenti i UEFA-s mbyll takimin në Tiranë, 'urdhri' i Ceferin: Politika mos ndërhyjë në zgjedhje

Politiko 3 Shkurt 2022, 20:00

Presidenti i UEFA-s mbyll takimin në Tiranë, 'urdhri' i

Alexandër Ceferin, presidenti i UEFA-s, ka përfunduar vizitën zyrtare në Tiranë. Ceferin pati fillimisht një takim me kryeministrin Edi Rama dhe më pas me kreun e FSHF-së, Armand Dukën.

Gjatë vizitës, Ceferin tha se UEFA nuk ndërhun në procesin zgjedhor për kreun e federatës, duke bërë thirrje që të mos ketë ndërhyrje as nga palët e tjera. Ai u shpreh se UEFA do të dërgojë përfaqësues për të monitoruar zgjedhjet.

“Në parim UEFA nuk ndërhyn në proceset zgjedhore, por ne duam zgjedhje të ndershme dhe nuk duam asnjë ndërhyrje nga palë të tjera. Pata gjithashtu një takim me Kryeministrin Rama sot, ne ishim të pak të shqetësuar për situatën sipas raportimeve që kemi lexuar në media. Jam i kënaqur që ramë dakord me Kryeministrin, që futbolli duhet të vendosë për futbollin. UEFA do të japë të gjithë mbështetjen e saj, do të sjellë përfaqësues këtu për të verifikuar korrektesën e zgjedhjeve dhe sigurisht që të mos ketë ndërhyrje nga asnjë palë jashtë futbollit”, tha Ceferin.

Sa i përket tensioneve të krijuara mes kryebashkiakut të Tiranës Erion Veliaj dhe Federatës Shqiptare të Futbollit, Ceferin tha se duhet të ketë qetësi dhe transparencë, duke mos dashur të hyjë në detaje të deklaratave.

“Gjëja më e rëndësishme këtu është që kjo situatë nuk e ndihmon futbollin shqiptar. Duhet të ketë qetësi, ne jemi gati të ndihmojmë që çdo gjë të jetë e qetë, çdo gjë duhet të jetë transparente dhe me qeverisje të mirë. Nuk dua të hyj në deklaratat e askujt që vijnë nga aktorë lokalë”, deklaroi Ceferin.

President ii UEFA foli edhe lidhur me finale e Europa Conference League dhe deklaroi se kishte arritur dakordësi me kryeministrin Rama dhe Dukën, për të zhvilluar zgjedhje pa ndërhyrje politike, në mënyrë që edhe finalja të zhvillohet e sigurt.

“Pasi kemi lexuar artikujt në media ne ishim pak të shqetësuar për finalen e UECL, por fola me Presidentin e FSHF-së dhe me Kryeministrin, me të cilin ramë dakord se nuk do të ketë ndërhyrje politike në zgjedhje, që futbolli do të vendosë për futbollin dhe kjo është ajo që duam. Nëse UEFA nuk ndërhyn, askush tjetër nuk duhet të ndërhyjë në këtë proces. Nëse gjërat do të jenë kështu dhe unë kam shumë besim në fjalët e Kryeministrit, atëherë zhvillimi i finales së Conference League këtu është i sigurt. Tani do të shohim përpara, sepse është finalja e parë e UEFA Europa Conference League në histori”, tha Ceferin.