“’Princi’ u përgjua edhe në 2020-ën në Shqipëri”, gazetarja nga Italia tregon personin kyç në skandalin e përgjimeve të Ndraghetës

Gazetarja italo-shqiptare, Alba Kepi, deklaron se dosja e bujshme të mafias Ndragheta, përgjimet e së cilës janë publikuar prej ditësh në mediat shqiptare, nuk janë mbyllur dhe Antonio Galo, i njohur si Princi i Ndraghetës, është përgjuar edhe në vitin 2020 në Shqipëri. .

Duke folur në emisionin e Adi Krastës në SYRI TV se thotë se përgjimet janë bërë në terren në Shqipëri dhe Itali.

“Mendoj se hetimet do të vazhdojnë. Puna më e madhe do të kryhet në territor. Kur përcillet një lajm i tillë, komenti është se po zihen dy kundërshtarë të politikës, sikur lajmin e solli dikush në politikë.

Është gjëja më absurde, e cila u shërben më së shumti grupeve kriminale, të largojnë vëmendjen nga thelbi që është kryesorja e ngjarjes.

Ne duhet të merremi me fenomenin. Nuk mund të vësh në diskutim fenomenin vetëm duke u marrë me një faqe të përgjimeve,” tha Kepi.

Gazetarja tregon se person kyç në këtë çështje është Henrik Baçi.

“Uroj që Rama të lexojë dosjen sepse nuk e ka bërë. Dosja përmban afera tronditëse. Më 14 qershor 2020, tre shqiptarë vijnë në Katanzaro dhe bëhen pronarë të gjashtë kompanive.

Këto persona i sjell pikërisht Henrik Baçi. Unë uroja që gazetarët shqiptarë të gjejnë ku i ka zyrat ky person. Kjo do të thotë se hetimet vazhdojnë dhe biznesi nuk ka marrë fund,” tha Kepi.

“Nga konferenca e Ramës u ndjeva e fyer dy herë. Së pari sepse hodhi poshtë partnerin më të rëndësishëm, Italinë, duke hedhur poshtë atë dosje. Antimafia italiane ka disa vite që ka sinjalizuar se e ka të vështirë që të punojë me Shqipërinë.

...Në numrat telefonikë të Antonio Galos i njohur si Princi apo Qorri, janë mijëra telefonata. Prej tyre mësohet se hetimet vazhdojnë edhe në vitin 2020. Pra nuk janë përgjime deri në vitin 2018,” tha Kepi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm