Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pro çeljes së negociatave/ Rutte tregon pse ndryshoi qëndrim Holanda ndaj Shqipërisë, komenton "Open Balkan"

Politiko 10 Nëntor 2021, 13:37

Pro çeljes së negociatave/ Rutte tregon pse ndryshoi qëndrim

Kryeministri holandez Mark Rutte u shpreh se Shqipëria i ka përmbushur kushtet për t'u anëtarësuar në BE. Ai tha se priten zhvillime pozitive pas zgjedhjeve që do të zhvillohen të dielën në Bullgari.

Rutte shtoi se Holanda është investuesja më e madhë në Shqipëri, duke theksuar se bashkëpunimi duhet të vijojë në të njëjtat ritme.

"Është e drejtë që për të nisur konferencën e parë ndërqeveritare të ndryshojë qëndrimi i Bullgarisë. Shpresoj që kjo të ndodhë. Do të ishte e drejtë, ju keni bërë kaq shumë përparime. Natyrisht që shumë keni bërë. Bashkimi Europian dhe Shqipëria duhet të forcojnë marrëdhëniet. Duhet të ketë diçka midis gjatë rrugës që ecim përpara. Jam i lumtur që vendet tona zhvillojnë marrëdhëniet dypalëshe.

Ne bashkëpunojmë intensivisht. Holanda është investuesi më i madh në Shqipëri. Ne vazhdojmë të takohemi. Le të vazhdojmë të punojmë kështu, të takohemi, ta ndërtojmë këtë miqësi dhe ta bëjmë më shumë praktike. Jam i lumtur që jam këtu dhe ka kaluar shumë kohë, por pas 4 zgjedhjeve ja ku jam", tha ai.

I pyetur për ndryshimin e qëndrimit të Holandës sa i përket anëtarësimit të Shqipërisë në BE, duke qenë një nga zërat më kritikë, Rutte tha se Shqipëria ka bërë progres të madh në dy vitet e fundit.

“Kemi një marrëdhënie shumë të ngushtë bashkëpunimi në këto 2 vite kundër krimit të organizuar, rritjen e fuqisë së policisë, kemi folur për rritjen e mëtejshme të bashkëpunimit. Ne i shohim raportet e Komisionit Europian, se ku Shqipëria qëndronte në raport me reformën në drejtësi, vetingun, por progresi ka qenë kaq i madh, sa ka bërë që ne të themi po.

Ne duam që ky rajon të ketë perspektivë në BE për shumë arsye sepse jemi miq, por edhe sepse të tjerë mund të kenë influencë në këtë rajon, mund të përfitojnë. Gjë që ne nuk e duam. Pra ka arsye gjeopolitike dhe gjeostrategjike për ta bërë një gjë të tillë”, tha Rutte ndër të tjera.

Ai komentoi dhe nismën "Open Balkan", duke theksuar se ka elementë pozitivë. Rutte iu bëri thirrje vendeve që kanë refuzuar të bëhen pjesë, që t'i bashkohen kësaj nisme.

"Sa i përket Ballkanit të Hapur ne jemi në favor të integrimit rajonal, për aq kohë sa është i hapur për këdo. Ndihmon për të punuar më shumë për hapjen e mëtejshme drejt bisedimeve të anëtarësimit.

Çështja e vendeve të Balkanit Perendimor është dicka që mendoj është mënyrë për ta përjetuar dhe për të qenë si pjesë e tregut të përbashkët evropian por ka dhe elemente pozitive që vijnë nga kjo nisëm e kuptoj tashmë që kemi Serbine dhe Maqedonine e Veriut dhe të tjerët mund të bashkohen dhe për të kuptuar atë që ju po bëni e të kuptojnë që mund të ndihmojë në procesin e zgjerimit", shtoi kryeministri holandez.