“Problem pavarësia e gjyqësorit”, Burimi: PE i ka futur thikën farsës elektorale të 11 majit

Gazetari Genc Burimi gjatë diskutimit në SYRI TV, u shpreh se, sot Parlamenti Europian i ka futur thikën farsës elektorale të 11 majit.

Gjatë bisedës, Burimi ka theksuar edhe rolin kryesor të kryetarit të PD-së, Sali Berisha në lobingun e PD-së në Bruksel dhe punës së tij për të denoncuar skandalet e qeverisë Rama.

 ‘Me kaq pak muaj shikoni se çfarë impakti lobingu solli vetë Sali Berisha, personalisht.

Kisha kohë që thoja pse PD nuk shkon të bëjë lobing, të shkojë në Bruksel, thoja dhe të bënin dhe grevë urie te Parlamenti Europian.

Shikoni se çfarë ndodh, janë grupe të jashtëzakonshme, duken gjëra normale, por janë të jashtëzakonshme. Ka sot këto raporte, do i analizojë me radhë, duhet parë se ky është lobin. Sigurisht në krahun e mazhorancës do të thonë është turp, tradhton kauzën e integrimit.

Sipas këtyre njerëzve opozita në Turqi të qepë gojën, sepse dëmtohet kauza e integrimit të Turqisë.

Është një turp të pranosh një polemikë të tillë.

Jo të bëjnë lobing, por ti nxjerrin ujin e zi çdo fenomeni të gabuar. Po i nxjerrin ujin e zi Polonisë, Hungarisë, e jo më Shqipërisë.

Ata që thonë mbyllni gojën, bëjnë edhe njëherë një llogjikë enveriste, diktatoriale. Nuk bëmë një revolucion që të jemi sot në këtë batak, ku të mohohet e drejta e fjalës dhe denoncimit, me alibinë; shëmtohet Shqipëria.

Përpara se të jemi shqiptarë, jemi qytetarë, jemi demokratë. Vetëm diktaturat e lidhin regjimin me kombëtarinë. Demokracia dallon Europën. Ne jemi një ishull i vogël.

Ajo që shënoj nga ky raport sot, më shumë se zgjedhjet, edhe pse lidhet me zgjedhjet, ata vënë theksin tek pavarësia e gjyqësorit. Si ka mundësi që e kanë përmendur disa herë, kur në Shqipëri pretendohet të jetë bërë reforma më e mirë në botë, një reformë që e bëri gjyqësorin shumë të pavarur. Por nëse sot, Parlamenti Europian nënkupton se gjyqësori nuk është i pavarur, asgjë tjetër nuk mund të kundrohet në Shqipëri mbi veprime normale dhe demokratike.

Parlamenti Europian tha sot një fjali që i fut thikën këtyre zgjedhjeve: Në Shqipëri ka një problem deficit, pavarësia e gjyqësorit dhe e vë në vendin e parë këtë gjë’, tha Genc Burimi në SYRI TV.